ओभर लोड लिएर नेपाल भित्रिएका भारतीय गाडीलाई ट्राफिक प्रहरीले कडाई गरेको छ । गत केही दिनबाट ओभर लोड लिएर नेपाल आउने भारतीय गाडीलाई ट्राफिक प्रहरीले बढि लोड भएको क्लीकंर पल्टी गराउन सुरु गरेको हो । कृष्णनगर नाकाबाट मात्र दैनिक करिव ४ सय बढि भारतीय गाडी नेपाल भित्रने गरेका छन । जरिमाना काट्दै ‘ओभरलोड’ छाड्दै आएको कपिलवस्तु ट्राफिक प्रहरीले केही दिनबाट क्षमताभन्दा बढी बोक्ने ट्रकको सामान खन्याई अर्को ट्रकमा लानुपर्ने प्रावधान सुरु गरेको हो । क्षमताभन्दा बढी भार लिएर आउने भारतीय मालवाहक ट्रकलाई सीमामै रोकेर बढी भएका मालसामान अर्को गाडीमा पठाउन थालिएको जिल्ला ट्राफिक प्रहरी कार्यालय कपिलवस्तुले जनाएको छ । ट्राफिक प्रहरी कार्यालय गोरुसिङ्गे अगाडीनै उतm ओभर लोड खन्याइएको छ । यद्यपि अव्यावहारिक हुने भन्दै ठूला मेसिनरी सामान र करिडोरका औद्योगिक कच्चा पदार्थ लिएर आउने ट्रकलाई भने छाडिएको छ । करिव ५ दिन खडा गरी ती गाडीहरुलाई पल्टी गरी छाडीएको हो । यसअघि भैरहवास्थित बेलहिया नाका हुँदै नेपाल भित्रने भारतीय गाडीको अत्याधिक भार नियन्त्रण गर्न ट्राफिक प्रहरी, भन्सार एजेन्ट संघ र ट्रक समितिबीच पनि सहमती भएको थियो । सडक डिभिजनले निर्धारण गरेको बाटोको बनावट र क्षमताअनुसार ६ चक्के ट्रकले १० टन, १० चक्के ट्रकले १७ टन, १२ चक्के ट्रकले २१ टन र १४ चक्के ट्रकले २५ टनसम्म सामान लिएर हिँडे मात्र नेपालका बाटोले भार थेग्न सक्छ । तर कपिलवस्तुको कृष्णनगर नाका हुँदै नेपाल भित्रने मार्वल, क्लिकंर, फलामलगायतका समान बोकेर आउने भारतीय ट्रकले अत्याधिक भार लिएर आउने गरेका छन् । भार बढी भएका ट्रकलाई भन्सार बिन्दुबाटै नेपाल प्रवेश गर्न नदिने र अर्को गाडीमा भार खन्याएर मात्र लैजाने व्यवस्था ऐनमा भए पनि त्यसको कार्यान्वयन नहुँदा नेपालका सडक तथा पुल मर्मत समय नहुँदै भत्कने र सवारी दुर्घटना बढ्ने गरेका छन् ।
बाणगंगा यातायात ब्यवसायी समितिका अध्यक्ष बिष्णु प्रसाद न्यौपानेले ट्राफिक प्रहरीले चालेको पछिल्लो कदमले निरन्तरता पाए ‘ओभरलोड’ नियन्त्रण हुने र यसबाट नेपालका सडक तथा पुलमा परेको क्षति तथा दुर्घटनासमेत कम हुने बताएका छन । भारतीय ट्रकको ‘ओभरलोड’ नियन्त्रण गर्दा सडक, पुलमा क्षति नपुग्ने, दुर्घटनाको सम्भावना कम हुन्छ । सीमाबाट क्षमताभन्दा बढीको सामान ‘पोल्टी’ गराउँदा नेपाली ट्रक व्यावसायीलाई प्रत्यक्ष फाइदा पुग्छ । तर अहिले ‘ओभरलोड’ बोकेर आएका भारतीय ट्रकले ‘पल्टी’ गराउँदा पनि भारतीय गाडीमै गराउँदै आएका छन् । भारतबाट ओभर लोड लिएर नेपाल भित्रने गाडीलाई कडाई गरेसगै नेपाली ट्रक ब्यवसायी खुशी भएका छन । भारतीय गाडीले ओभर लोड बोकी रहदा नेपाली ट्रकले मालसामान नपाएर खढा हुनु पर्ने अवस्था रहेकोमा अव बिस्तारै यो कडाई फाइदा हुने बाणगंगा यातायात ब्यवसायी समितिका महासचिव लक्ष्मण भुसालले बताए ।
