अर्घाखाँची जिल्लाको सन्धिखर्क नगरपालिका ११ डिभर्ना अमिले निवासी कृष्ण बुढाथोकीको श्रीमती बर्ष अन्दाजी ३२ ३३ कि कमला बुढाथोकीको आज बिहान भिरबाट लडदा मृत्यु भएको छ । मृतक बुढाथोकी संगै घाँस काट्न गएकी निजकी कान्छी छोरी संगीता बुढाथोकीले आफ्नी आमा भिर बाट लडेको देख्न साथ स्थानीयहरुलाई खबर गरेकी थिइनँ ।
गम्भीर घाइते भएकी कमला बुढाथोकीलाइ उपचारका लागि जिल्ला अस्पताल अर्घाखाँचीमा लगिएको थियो , तर सन्धिखर्कमा रहेको जिल्ला अस्पतालका डाक्टरहरुको सामान्य चेक जाँच पछी घाइते कमला बुढाथोकीको जिल्ला अस्पताल अर्घाखाँचीमा उपचारको सम्भव न देखिएपछी निजको थप उपचारका लागी भैरहवा अस्पताल बुटवलमा रिफर गरिएको थियो । आफ्नो घर नजिकै रहेको अमिले ,भिरापुछुर भिरमा घाँस काट्न गएको बखत कमला बुढाथोकी एक्कासि भिर बाट करिव ३ सय मिटर तल खस्दा गम्भीर घाइते भएकी बुढाथोकीलाइ उपचारको लागि भैरहवा लैजादै गर्दा पथ्रकोट नजिकै पुग्दा उनको मृत्यु भएको उनका आफन्तले जानकारी दिएका छन् ।
