विश्व वातावरण दिवसको अवसर पारी हिलवर्ट इग्लिस बोडिर्ङ स्कुल वाणगंगा २ पिपरा कपिलवस्तुले विभिन्न कार्यक्रम सम्पन्न गरेको छ । दिवसको अवसर पारी विद्यालयले सरसफाई तथा वृक्षारोपण कार्यक्रम सम्पन्न गरेको हो । पिपरा अस्पताल परिसरमा सरसफाइ तथा वृक्षारोपण कार्यक्रम सञ्चालन गरिएको विद्यालयका मावि तह संयोजक डिल्ली राज पाण्डेले जानकारी दिनु भयो ।
सो अवसरमा आप, स्वामी, अमला,लिचि लगायतका ५० भन्दा बढि वृक्ष रोपिएको थियो । कार्यक्रम विद्यालय व्यवस्थापन समिति अध्यक्ष दिपक खनालको अध्यक्षता नगर प्रवक्ता विष्णु पौडेलको प्रमुख आतिथ्यता, डाक्टरहरु विपिन जैसवाल र विनोद चौधरी तथा इलाका प्रहरी कार्यालय पिपराका प्रहरी निरिक्षक आयुष कुमार जोसिको विशिष्ट आतिथ्यता असइ भुपेन्द्र थापा विद्यालयका जनसम्पर्क अधिकारी यादव मरासिनी लगायतको आतिथ्यता प्राचार्य कमल पौडेलको स्वागत र मावि तह संयोजक डिल्लीराज पाण्डेको सञ्चालनमा कार्यक्रम सम्पन्न भएको विद्यालयले जनाएको छ ।कार्यक्रममा कक्षा ८, ९ र १० का झण्डै २ सय विद्यार्थीहरुको सहभागीता रहेको विद्यालयका कार्यकारी निर्देशक बुद्धि पौडेलले जानकारी दिनुभयो ।
