नेपाली राजनीतिका युगपुरुष पुर्वप्रधानमन्त्री तथा नेपाली कागे्रसका पूर्व सभापति स्व. गिरिजाप्रसाद कोइरालाको ९६ औं जन्मजयन्ती कपिलवस्तुमा पनि मनाइएको छ । नेपाली काग्रेस कपिलवस्तुले गिरिजावाबु र राजनीति विषयक विचार गोष्ठी गरी जन्म जयन्ती तौलिहवामा मनाएको हो ।
कार्यक्रममा बोल्दै नेका केन्द्रिय सदस्य एवंम सांसद अतहर कमालले गिरिजावाबु नै शान्तिको संवाहक भएको बताउनुभयो । उहाले गिरिजाकै कारण तत्कालिन माओवादीलाई सशस्त्र द्धन्द्ध र युद्ध त्याग गर्न लगाई शान्ती सम्झौतामा ल्याई नेपाललाई आमुल परिवर्तन गरेको बताउनुभयो ।
नेपाली कागे्रसं पार्टी हारेपनि जनताको जितहुने हुंदा निर्वाचन समयमै गर्नुपर्ने र जनतालाई सार्वभौम मान्ने कामको थालनी समेत कोइरालाले गरको उल्लेख गर्नुभयो ।
त्यस्तै कागे्रंस पार्टी सभापति सुरेन्द्रराज आर्चायले गिरिजाबाबुको काम र सिदान्त जे भन्छु त्यही गर्छु भन्ने योजना रहेको र बोलीअनुसार काम हुंदा देश र जनताले विश्वास गरेको बताउनुभयो ।
तर हाल आएर प्रधानमन्त्री के.पी शर्मा ओलीले कामभन्दा कुरा बढि गरी जनतालाई झुटो आश्वसान दिएको बताउनुभयो । उहाले पानीजहाज, ग्यास, रोजगार जस्ता सम्पन्नगर्न नसकिने कुरा गर्नु समय सान्दर्भीक नभएको बताउनुभयो ।
कार्यक्रममा पुर्व पार्टी सभापति राजेश आर्चाय, सुधाकर पाण्डेय, जिल्ला सचिव महेन्द्र पाठक, कोषाध्यक्ष शोहरत तेली, महिला संघकी केन्द्रिय सदस्य सुमित्राशर्मा, नेता ललित गुरुङ , प्रकाश गैरे लगायतले बोल्नु भएको थियो । कार्यक्रको संचालन सचिव प्रेम बहादुर रायमाझिले गर्नुभएको थियो ।
