कपिलधाम परिसरमा लायन्स क्लबले गर्यो वृक्षरोपण ,लायन्स पार्कको समेत निर्माण हुँदै
गोमा सापकोटा /वैखरी अनलाइन
विश्व शान्ती दिवसको अवसर पारेर लायन्स क्लब अफ कपिलवस्तुले कपिल आरोग्य धाम ‘कपिल धाम’ परिसरमा वृक्षरोपण कार्यक्रम गरेको छ ।
रुद्राक्ष , मयुर धुपी लगायतका धार्मिक रूपमा महत्व बोकेका वृक्षहरू कपिलधाम परिसरमा रोपिएका हुन् ।
क्लबले निकट भविष्यमै कपिलधाम परिसरमा ‘लायन्स पार्क’को समेत निर्माण गर्ने लायन्स क्लब अफ कपिलवस्तु वर्ष २०१९/२० का अध्यक्ष कुमार खड्काले वैखरी अनलाइन लाई जानकारी दिनु भयो ।
लायन्स पार्कको निर्माणका निमित्त कपिलधाम समितिले लायन्स क्लब अफ कपिलवस्तु लाई धाम परिसरमा स्थान उपलब्ध गराए संगै इन्जिनियरिङको काम अगाडी बढेको समेत अध्यक्ष खड्काले जानकारी दिनु भएको छ ।
