हिन्दूहरुको ठूलो चाड विजयादशमी अन्तर्गत शुक्रबार त्रयोदशीको दिन कपिलवस्तुको बुद्धभुमी नगरपालिका १ भेलाइमा पनि सरायें नाच निकालिने भएको छ। परम्परा र संस्कृतिलाई संरक्षण दिनको लागि आज सरायें नाच सुरु गरिने बताइएको छ ।पूजाघरमा राखिएको फूलपाती बिर्सजनका लागि बाजागाजा सहितको टोली नजिकैको खोलामा सरायें खेली विर्सजन गर्ने वताईएको छ ।
यस्तै आज नै कपिलवस्तुको भलवाड, चन्द्रौटामा सरायें नाच र फूलपाती विसर्जन गरिने भएको छ । हिन्दू सांस्कृतिक परम्पराको जगेर्ना गर्न तथा कपिलवस्तुका सबै समुदायबीच धार्मिक, जातीय सद्भाव कायम गरी भाइचाराको सम्बन्ध विस्तार गर्न र देशमा दीगो शान्ति सुव्यवस्था कायम गर्न चन्द्रौटाको दुर्गा भवानी मन्दिरमा सरायें नाचा र फूलपाती विसर्जन गरिने हाम्रा शिवराज न पा का सहकर्मीले जनाएका छन ।
यता अर्घाखाँचीका कोठिया मैदान, डोहोटे लगायतका विभिन्न स्थानमा पनि आज सरायें नाच निकालिदै छ ।
