कपिलवस्तुको वाणगंगा नगरपालिकाबाट सरुवा भई जान लागेका प्रमुख प्रशासकीय अधिकृत तुल्सीराम मरासिनीलाई औपचारिक रुपमा नगरपालिकाले विदाई गरेको छ ।
दुई बर्ष पहिले वाणगंगा नगरपालिकाको कार्यकारी अधिकृतको रुपमा काम गर्न आएका मरासिनी स्थानीय तहको निर्वाचन पछि पनि प्रमुख प्रशासकीय अधिकृतको रुपबाट जिम्मेवारी सम्हाल्दै आएका थिए । उनले बाणगंगा नगरपालिकाको विकासको लागि पुर्याएको योगदानको चौतर्फी चर्चा रहेको छ ।
वाणगंगा नगरपालिकाका नगर प्रमुख मंगल प्रसाद थारु, उप प्रमुख चक्रपाणी अर्याल लगायतको उपस्थितीमा भएको कार्यक्रममा उनलाई फूलमाला, अविर र खादा लगाई विदाई गरिएको थियो । सोही कार्यक्रममा मोतीपुर स्वास्थ्य चौकीमा कार्यरत रामप्रसाद गौतमलाई पनि विदाई गरिएको छ । कार्यक्रममा कर्मचारी ,पत्रकार र सामाजका विभिन्न क्षेत्रका व्यक्ति हरुको उपस्थीति रहेको थियो ।
