वाणगंगा नगरपालिकामा आउनु भएका नयाँ प्रमुख प्रशासकीय अधिकृत कृष्ण प्रसाद सापकोटालाई नगरपालिकाले भब्य स्वागत गरेको छ । नगरले आफ्नै प्रङगणमा सापकोटालाई स्वगत गरेको हो । सापकोटा धेरै बर्ष देखि विभीन्न नगरपालिका ,उप महानगरपालिका र महानगरपालिकाहरुमा काम गर्दै आएका थिए ।
हाल भने उनि तिलोत्तमा नगरपालिका बाट सरुवाभई बाणगंगामा नगरपालिकामा आएका छन । तुल्सीराम मरासिनीको सरुवा भएपछि सापकोटा प्रमुख प्रशासकीय अधिकृतको रुपमा आएका हुन ।सापकोटा वाणगंगा नगरपालिकामा आएपछि जनप्रतिनिधि र नगरबासीहरुमा थप आशा पलाएको छ । सोमवार देखिनै सापकोटाले आफ्नो कार्यको सुभारम्भ गरेका छन ।
उनलाई वाणगंगा नगरपालिकाका नगर प्रमुख मंगल प्रसाद थारु, उप प्रमुख चक्रपाणी अर्याल,वडा अध्यक्षहरु लगायतको उपस्थितीमा भएको कार्यक्रममा फूलमाला, अविर र खादा लगाइ भब्य स्वागत गरिएको हो । कार्यक्रममा कर्मचारी ,पत्रकार र सामाजका विभिन्न क्षेत्रका व्यक्ति हरुको उपस्थीति रहेको थियो ।
