गृहपृष्ठ Featured २ सय ८५  जना जेष्ठ नागरिकलाई कम्मल वितरण

२ सय ८५  जना जेष्ठ नागरिकलाई कम्मल वितरण

प्रकाशित मिति:

माघको  समयमा पानी परेपछि चिसो र ठण्डीले वृद्धहरुलाई  सताउन लगेपछि शुद्धोधन  गाउंपालिका वडा नं ५ को कार्यालय हथिहवाले  जेष्ठ नागरिकलाई कम्मल वितरण  गरेको छ ।  सामाजिक सुरक्षा पाउने ज्येष्ठ नागरिकहरुको तथ्याकंको आधारमा कम्मल वितरण गरेको छ ।

सो अवसरमा वडा नं ५  का अध्यक्ष आशुतोष कुमार सिंहले  चिसोको समयमा वास्तविक समस्याको केही राहत दिन तथा सम्मान स्वरुप वृद्धहरुको  लागी कम्मल वितरण गरिएको बताए ।  प्रत्यक गाउंका वृद्धहरुलाई लक्षित  गरि वास्तविक समुदाय सम्म कम्मल पुगेको बताए ।  साथै आगामी दिनमा अपागंता भएका नागरिकहरुलाई पनि उचित सिप र सामाग्री वितरण कार्यक्रम तय भएको अध्यक्ष सिंहले बताए ।

वितरण समारोहमा हथिहवा प्रहरी चौकीका प्रहरी सहायक निरिक्षक दामोदर डागी वडा नं ५ सदस्य परशुराम यादव , प्रेमादेवी यादव ,वडा सचिव सभाजित प्रसाद चौधरी , सामाजिक परिचालक जितबहादुर यादव ,  लगायतको सहभागिता रहेको थियो । कम्मल पाएपछि वडा नं ५  तारानगरकी अनरा चमाइले उचित समयमा कम्मल  पाउंदा जाडो याममा आफुलाई सहजभएको  बताइन । त्यस्तै वडा नं ५ फुलुवापुरका  जैसराम ताडिवानले  कम्मल  पाएपछि चिसो वाट वच्च सजिलो भएको बताए

सम्बन्धित् समाचार