पश्चिम नवलपरासीको सुनवल नगरपालिका वडा नम्बर तीन महेन्द्र राजमार्गमा सवारी साधन अनियंत्रित भइ पल्टिदा एक जनाको मृत्यु भएको छ भने सात जना घाइते भएका छ्न ।
जिल्ला प्रहरी कार्यालय पश्चिम् नवलपरासीका अनुसार महेन्द्र राजमार्गमा पश्चिमबाट पुर्वतर्फ जाँदै गरेको यु पि ३२ जे जे ३२५३ नम्बरको भारतीय कार आफै अनियंत्रित भइ पल्टिदा बारा जिल्ला दक्षिण झिटक्या गाउपालिका २ बस्ने ५५ बर्सिय रियाजुल मिया घाइते भइ उपचारको क्रममा जेनस अस्पताल बुटवलमा मृत्यु भएको हो भने सात जना घाइतेको बुटवलमा उपचार भइरहेको प्रहरीले जनाएको छ ।
कार प्रहरीको नियन्त्रणमा रहेको र आवश्यक अनुसन्धान भइरहेको जिल्ला प्रहरी कार्यालय पश्चिम नवलपरासीका प्रहरी नायब उपरीक्षक बिरेन्द्र थापाले जानकारी दिनु भएको छ ।
