कपिलवस्तु उद्योग वाणिज्य संघको २४ औं नियमित वैठक संघको कार्यालय चारनम्बरमा सम्पन्न भएको छ । वैठकले पछिल्लो समय विश्वभर महामारीको रुपमा फैलिएको कोरोनाको संक्रमणबाट सवै समुदाय सुरक्षित रहन, उपभोग्य वस्तुको सहज आपूर्ति र उपलब्धता बनाउदै वास्तविक मूल्यमा विक्री वितरण, कोरोनाका कारण अर्थतन्त्रमा समेत गम्भिर असर पुगेको भन्दै चैत्र मसान्त सम्म तिर्नुपर्ने करको समयावधी ३ महिना थप गर्न सरकारसंग माग समेत गरेको छ ।
वैठकमा गुणस्तर तथा नापतौल विभागको सहकार्यमा ढक तराजु मापन, जिल्ला बाहिर संघको साधारण सभामा सहभागीता र मेला महोत्सवको अवलोकन जस्ता महत्वपूर्णकार्य भएको वैठकले समिक्षा गरेको छ । गत वैठकले महासंघको आसन्न अधिवेशनमा निवर्तमान अध्यक्ष यज्ञ प्रसाद भट्टराईलाई केन्द्रिय सदस्यमा उम्मेदवार बनाउने निर्णय अनुसार विभिन्न जिल्ला नगरमा प्रचार प्रसारको कार्यलाई तिव्रता दिएको संघका अध्यक्ष उमानाथ पौडेलले जानकारी दिनुभयो । वैठकमा केन्द्रिय सदस्यका उम्मेदवार भट्टराईलाई जिताउने विभिन्न रणनीति समेत तय भएको बताइएको छ । वैठकले नयाँवर्षको क्यालेण्डर बनाउने संयोजकको जिम्मेवारी डोलकराम घिमिरेलाई तोकेको संघका महासचिव लक्ष्मण अधिकारीले जानकारी दिनुभयो ।
