विश्वव्यापी रुपमा फैलिएको कोरोना भाइरस (कोभिड–१९)को संक्रमण जोखिमलाई न्यूनीकरण गर्नको लागि कपिलवस्तुको बाणगंगा नगरपालिकाले पनि ‘दैवी प्रकोप कोष’ खडा गरी राहतको कार्यलाई अघि बढाएको छ । नगरले कोषमा रकम जम्मा गरी सहयोग गर्न नगरबासी तथा विभिन्न संघसंस्थालाई आह्वान गरेसंगै सिद्धार्थ क्याम्पस बाणगङ्गाले एक लाख रकम सहयोग गरेको छ ।
क्याम्पस प्रमुख खेमराज शर्माले राष्ट्रमा परेको कोरोना महामारीको संकटबाट सिर्जित समस्या समाधान गर्न सामाजिक उत्तरदायित्व बोध गरी क्याम्पसले आर्थिक सहयोग गरेको बताउनु भयो ।
कोषमा क्याम्पसमा कार्यरत प्राध्यापक तथा कर्मचारीहरुले आफ्नो एक दिनको तलब बापतको ४५ हजार रकम सहयोग गरेका छन् भने क्याम्पसले संस्थागत रुपमा ५५ हजार रकम सहयोग गरेको बताइएको छ ।
