गृहपृष्ठ खबर प्रदेश नम्बर ५ को राजधानी कपिलवस्तु राख्नु पर्ने माग गर्दै रिले अनसन सुरु

प्रदेश नम्बर ५ को राजधानी कपिलवस्तु राख्नु पर्ने माग गर्दै रिले अनसन सुरु

प्रकाशित मिति:

कपिलवस्तु : प्रदेश नम्बर ५ को राजधानी बुद्धको क्रिडास्थल प्राचीन कपिलवस्तुमा राख्नु पर्ने माग गर्दै कपिलवस्तुमा शनिवार दिउसो देखि रिले अनसल सुरु गरिएको छ । कपिलवस्तुबासीले तौलिहवाको प्रशासन कार्यालय किनारमा पाल टागेर प्रदेश सरकारले दाङको भालुुबाङमा राजधानी राख्ने प्रस्तावको बिरोध गर्दै अनसन सुरु गरेका हुन ।

शनिवार कपिलवस्तु नगरपालिका वडा नम्बर १ का वडाध्यक्ष सुदीप पौडेलको अगुवाईमा ५ जनाले अनसन सुरु गरेका हुन । समाजसवीे तथा अगुवा रउफ अहमद खा, अशोक गुपता संतोाष कसौधन र बृजेश भटरा अनसनमा बसेका छन । २६ सय बर्ष अघि नै बुद्धको क्रिडास्थलकारुपमा रहेको तिलौराकोट नै १२ जिल्लाकालागि प्रदेशको राजधानी उपयुक्त हुने उनीहरुको बताउछन ।

बुटवल र दाङमा राजधानी राख्ने लामो सयमको बिवाद पछि प्रदेश सरकारले शुक्रवार दाङको भालुवाङ क्षेत्रलाई राजधानी बनाउने प्रस्ताव गरेको छ । अनसनकारी सुदीप पौडेलले दाङ र बुटवल भन्दा कपिलवस्तु नै हरेक हिसाबले प्रदेशको राजधानी उपयुक्त हुने बताए ।

‘ प्रदेश सरकारले प्रस्ताव लगे पछि अझै बुटवल र दाङका बिच राजधानीका बिषयमा तीब्र बिवाद छ, यस्तोमा उपयुक्त स्थल कपिलवस्तु नै हो ’ । अर्का अगुवा रउफ अहमद खाले २६ सय भन्दा बढी अघिको ईतिहास बोकको प्राचिन शहर कपिलवस्तुलाइृ नै राजधानी बनाउनु पर्ने बताए । एक पटकमा चार घन्टा रिले अनसन बस्ने जनाइएको छ ।

सम्बन्धित् समाचार