गृहपृष्ठ खबर खानेपानी संस्थान शाखा बुटवल कार्यालयका प्रमुखसहित १३ जनाविरुद्ध अदालतमा मुद्दा दायर

खानेपानी संस्थान शाखा बुटवल कार्यालयका प्रमुखसहित १३ जनाविरुद्ध अदालतमा मुद्दा दायर

प्रकाशित मिति:

रुपन्देही : अख्तियार दुरुपयोग अनुसन्धान आयोगले नेपाल खानेपानी संस्थान शाखा कार्यालय बुटवल रुपन्देहीका कार्यालय प्रमुख सन्तोष साहसहित १३ जनाविरुद्ध विशेष अदालतमा मुद्दा दायर गरेको छ ।

आयोगका प्रवक्ता तारानाथ अधिकारीका अनुसार रुपन्देहीका विभिन्न खानेपानी आयोजनाको ठेक्का दिँदा गैरकानुनी लाभ लिइ सरकारी स्रोतको दुरुपयोग गरेको पाइएको छ । आयोगले साहविरुद्ध बुधबार विभिन्न चार वटा मुद्दा दायर गरेको छ ।

आयोगले साहविरुद्ध कुल २२ लाख रुपैयाँ बराबरको बिगो दाबी गर्दै मुद्दा दायर गरेको छ । आयोगले अनिता निर्माण सेवाका सञ्चालक शान्ति राना, सन्तोष साहका बाबु नारायण साह सुडीलगायत विभिन्न निर्माण व्यवसायी कम्पनी र व्यवसायीले गलत कामलाई प्रश्रय दिइ भ्रष्टाचार गरेको अभियोगमा मुद्दा दायर गरिएको जनाएको छ । रासस

 

सम्बन्धित् समाचार