नेपालगन्ज : कोरोना संक्रमण भएपछि उपचाररत नेपालगन्ज उपमहानगरपालिकाका शिक्षा अधिकृत दानबहादुर विष्टको आइतबार मृत्यु भएको छ । नेपालगन्ज उपमहानगरपालिका ४ स्थायी घर भएका विष्टको उपचारको क्रममा भेरी अस्पतालमा मृत्यु भएको हो ।
स्वास्थ्यमा समस्या आएपछि मंसिर २४ गते कोरोना परीक्षण गराएका विष्टलाई २५ गते कोरोना भएको पुष्टि भएको थियो ।
रोगको प्रकृतिअनुसार, सबै प्रकारको उपचार गर्दागर्दै विष्टको निधन भएको भेरी अस्पतालले जनाएको छ । यसअघि पनि कोरोनाबाट नेपालगन्ज उपमहानगरपालिकाका जिन्सी सहायक र वडा नम्बर २ का सदस्यको मृत्यु भइसकेको छ ।
