कपिलवस्तुको बाणगंगा नगरपालिका वडा नः १० मा रहेको बुद्ध सामुदायिक बनले आफनै भवन बनाउन थालेको छ । बर्षौदेखि भवनबिहिन रहेको बुद्ध सामुदायिक बनले आफनै भवन बनाउन थालेको हो ।
करिव ८० लाखमा बन्न लागेको सामुदायिक बनको भवनको शिलन्यास गत असोजमा नेकपाका नेता बलराम अघिकारीले गरेका थिए । गोजीमा कार्यलय हुदा सेवा प्रवाहमा समस्या देखिएकाले आफनै भवन बनाउन लागेको बुद्ध सामुदायिक बनका अध्यक्ष अमर थापाले बताए ।
अध्यक्ष अमर थापाले सामुदायिक बनको कार्यालय हुदा गोष्टीदेखि छलफलका लागी पनि कार्यालयकै भवन प्रयोग हुने बताए । त्यस्तै बनका सचिव इनराज पन्थीले यसै बर्ष भवन बनाएर सक्ने योजना रहेको समेत बताए । सामुदायिक बनलाई संरक्षण गर्दै अतिक्रमण हटाउन आफुहरु लागी परेको समेत उनले बताए । १३७.७७ हेक्टरमा फैलीएका यस बनलाई संरक्षण गर्न सके दिर्घकालिन रुपमा सामाजिक बिकासमा फाइदा हुने बताए ।
