कपिलवस्तु जिल्लाको बाणगंगा नगरपालिका वडा नः ११ मा रहेको हेमराज माविलाई आर्थिक सहयोग प्रदान भएको छ । बिद्यालय ब्यवस्थापन समितिका अध्यक्ष तथा बरिष्ठ युवा समाजसेवि धुर्व नेपालले हेमराज माविलाई सहयोग प्रदान गरेका हुन ।
बिद्यालयमा अध्ययनरत बिद्यार्थीहरुको खखेलकुद क्षेत्रमा थप बिकास र प्रगति होस भन्ने उदेश्यका साथ नेपालले बिद्यालयलाई नगद रु ५० हजार आर्थिक सहयोग गरेका हुन ।
बाणगंगा नगरपालिकामा लगातार ३ पटक राष्ट्रपति रनिङ शिल्ड प्रतियोगिता समेत जितेको हेमराज माविको थप प्रगति देख्ने चाहाना आफनो रहेको अध्यक्ष नेपालले वैखरी अनलाइनलाई बताए । सो रकम बिद्यालयका खेल संयोजक तथा शिक्षक कृष्ण सुवेदी मार्फत रु ५० हजार बिद्यालयलाई नेपालले प्रदान गरेको बिद्यालयका शिक्षक दिपक भुसालले वैखरी अनलाइनलाई जानकारी दिए ।
