काठमाडौं : नेकपा एमालेले मातहतका कमिटीलाई कोरोनाविरूद्ध अभियानमा जुट्न निर्देशन दिएको छ। आज बालुवाटारमा बसेको महाधिवेशन आयोजक कमिटी बैठकले एक ढिक्का भएर मातहत कमिटी कोरोनाविरूद्ध परिचालित हुन निर्देशन दिएको हो।
एमाले प्रवक्ता प्रदीप ज्ञवालीले जिल्ला र स्थानीय तहहरूसँग समन्वय गरी कोरोनाविरूद्ध परिचालित हुन भनिएको बताए।
हेल्प डेस्क, क्वारेन्टिनहरू व्यवस्थापनलगायत काममा मातहत कमिटीलाई परिचालन गर्ने एमालेले निर्णय गरेको हो।
