काठमाडौं : नेपाल सुपर लिग ९एनएसएल० फुटबलमा एफसी चितवन र बुटवल लुम्बिनी एफसीले २(२ को बराबरी खेलेका छन्। बुधबार दशरथ रंगशालामा सुरुवाती दुई गोलको अग्रता जोगाउन नसक्दा चितवन बुटवलसँग बराबरीमा रोकिएको हो।
चितवले खेलको १५ औं मिनेटमा जर्ज प्रिन्स कार्कीको गोलबाट अग्रता लिएको थियो। खेलको १९ औं मिनेटमा टेकबहादुर बुढाथोकीले बुटवलमाथि अर्को गोल गर्दै टिमलाई २-० को अग्रता दिलाएका थिए।
खेलको ३२ औं मिनेटमा बुटवलका आशिष लामाले गोल गर्दै खेल २-१ मा फर्काए। पहिलो हाफ २(१ गोल अन्तरमा सकियो। दोस्रो हाफको ६५ औं मिनेटमा बुटवलका लागि लक्ष्मण रुचालले एक गोल गरेपछि खेल बराबरीमा पुगेको थियो। त्यसपछि गोल गर्न नसक्दा चितवन सुरुवाती अग्रता गुमाउँदै अंक बाँड्न बाध्य भएको हो।
खेलमा चितवनका कार्की प्लेयर अफ दि म्याच चुनिए भने बुटवलका लक्ष्मण रुचाल प्लेयर अफ दि म्याच चुनिए। कार्कीले २५ हजार पाए भने रुचालले १० हजार रुपैयाँ पाए।
बुधबार बराबरीमा रोकिएको चितवनले दुई खेलमा २ अंक जोडेको छ। चितवनले पहिलो खेलमा ललितपुर सिटीसँग १(१ को बराबरी खेलेको थियो।
बुटवल पहिलो खेलमा पोरखा थन्डर्सलाई २-० ले पराजित गरेको थियो। चितवनसँग बराबरी खेलेसँगै उसले दुई खेलबाट चार अंक जोडेको छ।
