गृहपृष्ठ मनोरञ्जन राजनराज र वियोन्सेले ल्याए ‘ल्यासी पाउँ’

राजनराज र वियोन्सेले ल्याए ‘ल्यासी पाउँ’

प्रकाशित मिति:

गायक तथा संगीतकार राजनराज शिवाकोटी र युगाण्डाकी गायिका बियोन्से फाम्सीको सहकार्यमा तयार ‘ल्यासी पाउँ’ बोलको गीत सार्वजनिक भएको छ । सार्वजनिक गीतमा मन्दिरा ढुंगेलले शब्द तथा राजनराजको संगीत सुन्न सकिन्छ ।

बियोन्सो राजनराजको ‘फूलबुट्टे सारी’ गीतको कभर गाएर चर्चामा आएकी थिइन् । नेपाल घुम्न आएको बेला ट्रेन्डिङ गीतको रूपमा रहेर ‘फूलबुट्टे सारी’ मन परेपछि बियोन्सेले कभर गाएको बताउँछिन् ।

बियोन्सेले गाएको कभर हिट भएपछि राजनराजले उनीसँग सहकार्य गर्ने रहर गरेका थिए । अन्तत: उनीहरूले ‘ल्यासी पाउँ’मा सहकार्य गरेका छन् ।

राजेश पुमा राईले निर्देशन गरेको गीतको भिडियोमा राजन र बियोन्से नै फिचर रहेका छन् । उत्सव दाहालले खिचेको भिडियोलाई विकास दाहालले सम्पादन गरेका छन् ।

सम्बन्धित् समाचार