मौसम पूर्वानुमान महाशाखाले आज देशका धेरै स्थानमा पानी पर्न सक्ने जनाएको छ । त्यस्तै प्रदेश १, बागमती, गण्डकी र लुम्बिनी प्रदेशका केही स्थानमा स्थानमा मेघ गर्जनसहित भारी वर्षा हुन सक्ने छ ।
हाल देशभर मनसुनी वायुको प्रभाव रहेको तथा दक्षिणी भू-भागनजिक मनसुनी न्यून चापीय रेखा रहेको महाशाखाले जनाएको छ । अहिले गण्डकी, लुम्बीनी, प्रदेश १, प्रदेश २, बागमती र सुदूरपश्चिम प्रदेशका केही स्थानमा पानी परिरहेको महाशाखाले जनाएको छ ।
भोलि देशभर बदली रही अधिकांश स्थानमा पानी पर्ने छ । प्रदेश १, बागमती, गण्डकी र लुम्बिनी प्रदेशका केही स्थानमा मेघ गर्जनसहित भारी वर्षाको सम्भावना छ ।
त्यस्तै शुक्रबार देशभर बदली रही धेरै स्थानमा पानी पर्ने छ । प्रदेश १ र बागमती प्रदेशका केही स्थानमा मेघ गर्जनसहित भारी वर्षा हुने महाशाखाको पूर्वानुमान छ ।
