गृहपृष्ठ खबर भीम रावल र ईश्वर पोखरेलबीच छलफल : एकताको पहल गरिने

भीम रावल र ईश्वर पोखरेलबीच छलफल : एकताको पहल गरिने

प्रकाशित मिति:

काठमाडौं : नेकपा (एमाले)को आन्तरिक एकतालाई सवल बनाउने विषयमा उपाध्यक्ष भीमबहादुर रावल र महासचिव ईश्वर पोखरेलबीच छलफल भएको छ। पोखरेलको निवास धापासीमा आइतबार भएको छलफलमा दुवै नेताले अन्य नेतासँग पनि निरन्तर संवाद गरी गत असार २७ गते भएको १० बुँदे सहमतिको जगमा एकताबद्ध पार्टी निर्माणका लागि पहल गर्ने बताए।

महासचिव पोखरेलले पार्टीमा असन्तुष्ट नेताहरुसँग पनि संवाद गर्दै आएको उनका प्रेस संयोजक गणेश पाण्डेले बताए। प्रतिनिधि सभाको विघठन, सर्वोच्च अदालतको पुनःस्थापनाको फैसला र नयाँ सरकारलाई समर्थन जस्ता विषयमा एमाले मतभेद उत्पन्न हुँदै आएको छ।

अध्यक्ष केपी शर्मा ओली लचिलो नभएमा वरिष्ठ नेता माधवकुमार नेपाल पक्षले नयाँ पार्टी खोल्नसक्ने जनाए पनि सो पक्षकै कतिपय नेताहरू विभाजनको विपक्षमा उभिएका छन्।

सम्बन्धित् समाचार