गृहपृष्ठ कृषि धानबाली भित्र्याउने बेला पानी परेपछि कपिलवस्तुका कृषक चिन्तित

धानबाली भित्र्याउने बेला पानी परेपछि कपिलवस्तुका कृषक चिन्तित

प्रकाशित मिति:

कपिलवस्तु : धानबाली भित्र्याउने बेला पानी परेपछि कपिलवस्तुका कृषक चिन्तित भएका छन् । दशैं सकिएलगत्तै धान काट्ने योजना बनाएका कृषकलाई समस्यामा परेका हुन् ।

दशैंको बेला धान पाक्ने समय हुने र गाउँमा जनशक्ति पनि धेरै हुने भएकाले धान पाकेको ठाउँमा यही बेला धान काट्ने र भित्र्याउने गरिन्छ । तर, दुई दिनदेखि पानी परेपछि टीका सकिएलगत्तै धान काट्ने कृषकको योजना पूरा हुन पाएन ।

कतिपय ठाउँमा काटेर खेतमै सुकाएको धान पानीले भिजाएको छ भने धान नकाटेको ठाउँमा पनि वर्षाले धानको बोट ढलेको छ । काटेको धान पानी पानीले भिज्दा वर्षभरी खानसमेत समस्या हुने उनीहरूको गुनासो छ ।

मौसमको अवस्था बुझेर मात्रै धान भित्रयाउन कृषि विज्ञको सुझाव छ । मौसमविद्ले आगामी बुधबारसम्म पानी पर्ने बताएका छन् ।

सम्बन्धित् समाचार