सागर वि.क., वैखरी अनलाईन ।
कपिलवस्तु उद्योग बाणिज्य संघले नि:शुल्क दन्त शिविर आयोजना गर्ने भएको छ । संघले यही भदौ १८ गते शनिबार कपिलवस्तु सामुदायिक अस्पताल चारनम्बरमा दन्त शिविर आयोजना गर्ने भएको हो ।
सिमली फान्डेसनकी संचालिका स्वर्गीय लिला अर्यालको ४५औं पुण्य तिथिमा शिविर आयोजना गर्न लागिएको कपिलवस्तु उद्योग बाणिज्य संघका महासचिव मनोज पौडेलले वैखरी अनलाईनलाई जानकारी दिए । महासचिव पौडेलका अनुसार शिविरमा डाक्टर शिशिर अर्यालसहितको दन्त चिकित्सकको समूह आउने छ ।
शिविरमा अत्याधुनिक मेसिनद्धारा निशुल्क औषधीसहित दाँत स्कानिङ्, किराले खाएको दाँतमा सिमेन्ट भर्ने, आर.सि.टि.सेवा एवम् जटिल रोगीलाई अप्रेसन गर्नु पर्ने भएमा ५० प्रतिशत छुटको व्यवस्था रहेको बताईएको छ ।
कपिलवस्तु उद्योग बाणिज्य संघका अध्यक्ष डोलकराम घिमिरेले स्वास्थ्य मानव जीवनको एक महत्वपूर्ण पक्ष भएकाले त्यसप्रति सबै सचेत हुन आवश्यक रहेको बताए । सोही विषयलाई ध्यानमा राखि संघले दन्त शिविर आयोजन गर्न लागेको अध्यक्ष घिमिरेले बताए । दाँत प्राणीको एक संवेदनशील अंग भएकाले त्यसको सुरक्षा स्वरुप दन्त शिविर गर्ने आयोजनाले राम्रो सन्देश प्रवाह हुने उनले विश्वास व्यक्त गरे ।
महासचिव पौडेलले शिविरमा सहभागि भई फाईदा लिन सर्वसाधरणलाई अपिल गरेका छन् । आर्थिक अवस्था कमजोर भएका परिवारका सदस्यले विभिन्न सुविधा सम्पन्न डेन्टलहरुमा गई उपचार गराउन नसक्ने अवस्थामा यस शिविर महत्वपूर्ण सावित हुने महासचिव पौडेलले दाबी गरे ।
कपिलवस्तु सामुदायिक अस्पताल सहआयोजक रहेको शिविरको प्रायोजकको रुपमा अन्र्तराष्ट्रिय सिमली फाण्डेसन नेपाल र सिमली डेन्टल केयर प्रा.लि. बुटवल रहेका छन् ।
