काठमाडौं ।
म्यानचेष्टर युनाइटेड र चेल्सीले प्रिमियर लिगमा एक/एक को बराबरी खेल्दै अंक बाँडेका छन् । घरेलु मैदानमा युनाइटेडले पहिले अग्रता लिए पनि त्यसलाई कायम राख्न नसक्दा बराबरीमा चित्त बुझाउन बाध्य भयो ।
खेलको ७०औं मिनेटमा कप्तान ब्रुनो फर्नान्डेजले पेनाल्टीमा गोल गर्दै युनाइटेडलाई अग्रता दिलाएका थिए । तर त्यो अग्रता लामो समय टिकेन । त्यसको चार मिनेटपछि नै मोइसेस काइसेडोले चेल्सीका लागि बराबरी गोल फर्काए ।
बराबरीपछि चेल्सी १० खेलबाट १८ अंक जोडेर चौथो स्थानमा उक्लेका छन् । आर्सन र एस्टन भिल्ला समान अंक भएपछि चेल्सी गोल अन्तरमा अघि छन् ।
युनाइटेड भने १० खेलबाट १२ अंकसहित १३औं स्थानमा छ ।
यस्तै अर्को खेलमा डोमिनिक सोलान्कको दुई गोल मद्दतमा टोटनहमले एस्टन भिल्लामाथि ४-१ को जित निकालेको छ । ब्रेनान जोनसन र जेम्स म्याडिसनले एक/एक गोल गरे ।
एस्टन भिल्लाका लागि मवर्गन रोजर्सले पहिले गोल गरेपनि अग्रता कायम रख्न सकेन । जितपछि १० खेलबाट १६ अंक जोडेर टोटनहम सातौं स्थानम उक्लेको छ । १८ अंकसहित भिल्ला छैटौं स्थानमा छ ।
