भारतले जित्यो साउथ अफ्रिकाविरुद्धको शृङ्खला

यसअघि गत महिना भारतले नै बंगलादेशसँग २९७ रन बनाएको थियो ‌। टी-२० अन्तर्राष्ट्रिय क्रिकेटमा सर्वाधिक स्कोर भने जिम्बाबेको नाममा छ, उसले नेपालको नाममा भएको ३१४ रनको रेकर्ड तोड्दै ३४४ रन बनाएको थियो ।

विशाल योगफल खडा गर्ने क्रममा भारतका लागि तिलक बर्मा र सन्जु सामसनले शतक प्रहार गर्दै अविजित दोहोरो शतकीय साझेदारी समेत गरे । तिलक १२० रनमा नटआउट रहँदा सामसनले अविजित १०९ रन बनाए ।

४७ बल खेलेका तिलकले ९ चौका‌ र १० छक्का प्रहार गरे । ५६ बल खेलेका सामसनले ६ चौका र ९ छक्का हिर्काए । दक्षिण अफ्रिकाका लुथो सिपाम्लाले एकमात्र विकेट लिए । सबै बलरहरुले १० ‌भन्दा माथिको इकोनोमीमा रन खर्चिएका थिए ।

यसअघि पहिलो खेल जितेको भारतले दोस्रो खेलमा पराजित हुँदा तेस्रो खेल जितेको थियो । उक्त खेलमा पनि तिलकले शतक बनाएका थिए ।