गुएना — रेफ्रीको विवादास्पद निर्णयपछि उत्पन्न विवादबीच भएको भागदौडमा परेर दक्षिणपूर्वी गुएनामा ५६ को मृत्यु भएको सरकारले सोमबार पुष्टि गरेको छ । गुएनाको दोस्रो ठूलो सहर एनजेरेकोरेमा दुई प्रतिद्वन्द्वी टिमका समर्थकबीचको झपडमा यति ठूलो हताहत भएको हो भने मृत्यु हुनेमा बच्चाहरूसमेत रहेका छन् ।
पोखरा (कास)– कास्की जिल्ला टेनिस संघको आयोजनामा आईटीएफ वर्ल्ड टेनिस टुर जे–३० सर्किट १ र २ सोमबार पोखरामा सुरु भएको छ । पहिलो दिन पहिलो सर्किटमा ३५ खेल सकिएको छ । टुरका शीर्ष वरीयताप्राप्त जापानका रिकु हागासीले भारतका रौनक कश्यपलाई ६–०, ६–१ को सोझो सेटमा हराए । गत वर्ष पनि नेपाल आएका रिकुले आफ्नो लयमा खेल खेल्दै आफ्नो पहिलो खेल जिते । नेपाली खेलाडी सक्षमविक्रम शाहले भारतीय सौनक चटर्जीलाई ६–४, ३–६, ६–३ ले हराए ।
पहिलो चरणमा आयुष्मान घले भने भारतीय अमित मुन्दसँग ६–४, ६–४ ले पाराजित भए । भारतीय आदित्य मोरले आफ्नै देशका आरभ चावलालाई ३–६, ६–२, ६–३ ले पराजित गरे । नेपालका राजवीर प्रधान र निश्चल कायस्थ भारतीय खेलाडीसँग पराजित भए ।
गर्ल्सतर्फ नेपालका शिभाली गुरुङले भारतकी भ्रन्दिका राजपुतलाई ६–२, ६–० ले, चीनकी यूयू ल्यूले भारतकी नन्दीनी कन्सलाई ६–१, ४–६, ७–६ (४) ले र सुनीरा थापाले भारतकी नेभी दवासलाई ६–०, ६–० को सोझो सेटमा हराए । भारतकी रित अरोराले एन्जल पटेललाई ६–३, ६–३ ले, मंगोलियाकी मार्टा चोकसोम्जाभले भारतकी मानसी सिंहलाई ६–१, ६–० को सोझो सेटमा हराए ।
