काठमाडौं ।
एएफसी महिला एसियाली कप छनोटमा भुटानले लेबनानमाथि ऐतिहासिक जित निकालेको छ ।
फिफा वरियताको १७१औँ स्थानमा रहेको भुटानले १३०औँ वरियतामा रहेको लेबनानलाई पराजित गरेको हो ।
छनोटको समूह ‘ए’ अन्तर्गतको खेलमा लेबनान भुटानसँग २-१ ले पराजित भएको हो । यसअघि पहिलो खेलमा पनि भुटानले प्रभावशाली जित निकालेको थियो ।
भुटानले १३९औँ वरियतामा रहेको सिंगापुरलाई ३-२ गोलले पराजित गरेको थियो । भुटान २ खेलबाट ६ अंक जोड्दै शीर्ष स्थानमा छ ।
भुटानले अब जोर्डन र इरानसँग खेल्न बाकी छ । समूहको शीर्ष स्थानमा रहने टोली अर्को वर्ष अष्ट्रेलियामा हुने एसिया कपमा छनोट हुनेछ ।
