काठमाण्डौ – २० वर्षमुनिको महिला च्याम्पियनशिपमा नेपाल बङ्गलादेशसँग पराजित भएको छ ।
बङ्गलादेशको बसुन्धरा किङ्ग्स एरिनामा हिजो भएको खेलमा नेपाल ३–२ गोलले पराजित भएको हो ।
दोस्रो हाफमा राम्रो पुनरागमन गर्दै नेपालले घरेलु टोली बङ्गलादेशलाई २–२ को बराबरीमा ल्याए पनि अन्तिम मिनेटमा बङ्गलादेशले १ गोल गरेपछि नेपाल पराजित भयो ।
डबल राउन्ड रोबिनमा हुने च्याम्पियनशिपमा चार देशको सहभागिता रहेको छ । पहिलो खेलमा भूटानलाई ६–१ ले हराएको नेपालले अब श्रीलङ्कासँग भोलि खेल्नेछ । बङ्गलादेशले श्रीलङ्कालाई ९–१ ले हराएको थियो ।
