नेपाली भलिबलको इतिहासमा पहिलोपटक भलिबलको प्लेयर अक्सन महिला भलिबलमा सुरु हुने भएको छ ।
वात्सल्य एभरेस्ट महिला भलिबल लिग (इडब्लुभिएल) अन्तर्गतको यो ऐतिहासिक कार्यक्रम आगामी २ साउनमा काठमाडौंमा आयोजना हुनेछ ।
६ वटा फ्रेन्चाइज टोलीहरूको सहभागितासहित यो प्रक्रिया नेपाली महिला भलिबलको व्यावसायिक यात्रामा एक युगान्तकारी मोड सावित हुने अपेक्षा गरिएको छ ।
प्रत्यक्ष बोलकबोल प्रणाली अन्तर्गत, टोलीहरूले राष्ट्रिय स्टार खेलाडीहरू, नवप्रतिभा र उदाउँदा खेलाडीहरू बीचबाट आफ्नो टिम बनाउने अवसर पाउनेछन् ।
