आइसिसी टी-२० विश्वकप क्रिकेटको बुधबारको खेलमा साउथ अफ्रिकाले अफगानिस्तानमाथि कठिन जित निकालेको छ । निर्धारित २० ओभर र पहिलो सुपर ओभरमा बराबरी भएपछिको दोस्रो सुपर ओभरमा साउथ अफ्रिकाले अफगानिस्तानलाई हराएको हो ।
दोस्रो सुपर ओभरमा साउथ अफ्रिकाले दिएको २४ रनको विजयी लक्ष्य पछ्याउने क्रममा अफगानिस्तानले १९ रनमात्र बनाउन सक्यो । पहिलो सुपर ओभरमा दुवैले १७ रन बनाएका थिए ।
त्यसअघि साउथ अफ्रिकाले दिएको १ सय ८८ रनको लक्ष्य पछ्याएको अफगानिस्ताले १९्.४ ओभरमा सबै विकेट गुमाएर १ सय ८७ रन बनाएपछि खेल सुपर ओभरमा पुगेको थियो।
अफगानिस्तानका लागि रहमुल्लाह गुर्वाजले ४२ बलमा सर्वाधिक ८४ रन बनाए। इब्राहिम जड्रान १२, नुर अहमद अजमुतुल्लाह ओमारजाइले २२ र कप्तान रासिद खानले २० रन बनाए ।
लुंगी एनगिडिले ३ विकेट लिए। मार्को जानसेन, कागिसो रवडा, जर्ज लिन्डे, केशव महाजनको नाममा समान एक विकेट रह्यो ।
त्यसअघि अहमावादस्थित नरेन्द्र मोदी स्टेडियममा अफगानिस्तानले टस जितेर फिल्डिङ रोजेपछि ब्याटिङ गरेको साउथ अफ्रिकाले निर्धारित २० ओभरमा ६ विकेट गुमाएर १ सय ८७ रन बनाएको थियो । साउथ अफ्रिकाका लागि रायन रिकेल्टोनले सर्वाधिक ६१, क्वीन्टन डि ककले ५९, डेवालड ब्रिभिसले २३ र डेविट मिलरले २० रन बनाए ।
अफगानिस्तानका लागि अज्मतुल्लाह ओमारजाइले ३ विकेट लिए। रासिद खानले २ र फजल्हक फारुकीले एक विकेट आफ्नो नाममा गरे।
जितसँगै समुह डी मा रहेको साउथ अफ्रिकाको ४ अंक भएको छ भने अफगानिस्तानले लगातार दुई खेलमा हार व्यहोरेको छ।
