वैखरी अनलाईन, बाणगंगा ।
१४ औं कपिलवस्तु महोत्सवको मुख्य आकर्षकका रुपमा रहेको १२ औं कपिलवस्तु डान्स आइडलको लागी भालिदेखि अडिसन सुरु हुने भएको छ । भोलि मंगलबार आइडलको लागि विहान ९ बजेसम्म फारम लिइसक्नुपर्ने र १० बजे अडिसन सुरु हुने आइडल संयोजक खड्क बहादुर क्षेत्रीले वैखरीलाई जानकारी दिए ।
संयोजक क्षेत्रीले कपिलवस्तु डान्स आइडलमा सहभागिता जनाउन छिट्टो सम्पर्क गर्न अपिल समेत गरेका छन् ।
उनले डान्स आइडलमा सहभागितका लागि इच्छुकले भोलि बिहानसम्म मोबाइलमा सम्पर्क गरेर पनि सहभागिताको लागि नाम टिपाउन र अडिसनमा सहभगिता जनाउन सक्ने बताए । संयोजक क्षेत्रीले डान्स आइडललाई भव्य र सभ्य रुपमा सम्पन्न गर्ने गरी आफूहरु सक्रिय भएर लागेको बताए ।
उनले डान्स आइडललाई विशेष र एतिहासिक बनाउने गरी आफूहरु लागेको शैक्षिक संस्था, डान्स एकेडमी, विभिन्न क्लब लगायत सम्पर्कमा रहेको बताए ।
अडिसन क्लबको भवन बुद्धरंगशालामा हुने छ ।
आइडलमा प्रथम हुनेलाई १ लाख २१ हजार १ सय २१ रुपैयाँ, द्वितीय हुनेलाई ७७ हजार ७ सय ७७, तृतीयलाई ५५ हजार ५ सय ५५ रुपैयाँ सान्तवनालाई समेत पुरस्कारको व्यवस्था गरिएको क्षेत्रीले बताए ।
सम्पर्कका लागी
आइडल संयोजक : 9821912295
सचिवालय : 076-550389
