प्रकाश सपुतले गरे फिल्म ‘वसन्त’ निर्माणको घोषणा

फिल्ममा कथा, संगीत र निर्देशन प्रकाशकै रहनेछ । फिल्मको आगामी भदौदेखि सुटिङ थालिने छ । प्रकाश आफै मुख्य भुमिकामा देखिने छन् भने नायिकामा स्वस्तिमा खड्का हुनेछिन् ।  फिल्ममा अनुप बराल, प्रकाश घिमिरे र कमलमणि नेपाल लगायतको समेत अभिनय रहने छ ।

गलबन्दी प्रोडक्सनको ब्यानरमा बन्ने फिल्मका कार्यकारी निर्माता मोहन विक, अनुरोध भट्टराई र नेन्सी शेरचन छन् । फिल्म २०८१ को चैते दसैँमा प्रदर्शनमा ल्याउने घोषणा निर्माण पक्षले गरेको छ ।

कार्यक्रममा कोर्ड अध्यक्ष केसीले प्रकाशले आगामी दिनमा फिल्म क्षेत्र हाँक्ने क्षमता आफूले देखेको बताए । उनले फिल्म निर्देशमा चुनौती धेरै भएको उल्लेख गर्दै डटेर सामना गर्न प्रकाशलाई सुझाए ।

भुवनले कार्यक्रममा अभिनेत्री स्वस्तिमा खड्काको पनि तारिफ गरे । उनले खड्का आफ्नो मनपर्ने अभिनेत्री भएको बताए । कार्यक्रममा लोक तथा दोहोरी गीत प्रतिष्ठानकी अध्यक्ष थापाले प्रकाशलाई फिल्मी यात्राको शुभकामना दिइन् ।