आर्थिक वर्ष २०८१/०८२ को नीति तथा कार्यक्रम र बजेट सहज र जनमुखी बनाएको र अब आफ्नो पार्टी प्रतिपक्षमा रहे पनि रचनात्मक सहयोग गर्ने महराले स्पष्ट पारे । उनले आर्थिक मितव्ययिता अवधारणलाई अगाडि सारिएको बताउँदै आफूले बुटवलको मुख्यमन्त्रीको सम्पर्क कार्यालयसमेत हटाएको बताए ।
मुख्यमन्त्रीको प्रेस सल्लाहकार कमल रायमाझीले जारी गरेको प्रेस नोटमा मुख्यमन्त्री शङ्कर पोखरेलको पालादेखि रोकिएका बहुवर्षीय योजनालाई पूरा गर्ने गरी बजेटमा व्यवस्था गरिएको उल्लेख छ । लामो समयदेखि रोकिएका संसदीय समितिहरू चयन गरिएको पनि बताइएको छ ।
स्थानीय कर्मचारी सेवा ऐन निर्माण गरेको तथा आफ्नो सचिवालयमा कम मानिसको नियुक्ति गरी कार्यसञ्चालन गरेको दाबी मुख्यमन्त्री महराले गरेका छन् । साउन ६ गते राजीनामा दिएका महरा भोलिदेखि बाहिरिने छन् । भोलि नवनियुक्त मुख्यमन्त्री चेतनारायण आचार्यले बुटवलमा शपथग्रहण परेपछि दाङ पुगेर मुख्यमन्त्रीको पदभार ग्रहण गर्ने छन् ।
