बिग बोस ओटीटी ३ को विजेता सना

इन्डिया टुडेलाई दिएको अन्तर्वार्तामा सानाले भनिन्, ‘म शोको पहिलो दिनदेखि नै ट्रफी जित्न चाहन्थेँ र निरन्तर प्रयासरत थिएँ । आज जब मैले यो जितेको छु, म धेरै आभारी छु । धेरैले मेरो बारे टिप्पणी गरिरहे तर आज मैले यो ट्रफी जितेर सबैलाई जवाफ दिएको छु ।’

सना तीन कारणले शोमा चर्चामा रहिन् । र्‍यापर नेजीसँगको उनको सामीप्य, रणवीर शोरेसँगको उनको रमाइलो सम्बन्ध र युट्युबर शिवानी कुमारीसँगको उनको बहस ।

सना बिग बोस ओटीटीमा आउनुअघि ‘खतरों के खिलाडी ११’ को प्रतियोगी पनि थिइन् । सनाले ‘कितनी मोहब्बत है २’ र ‘इस प्यार को क्या नाम दूँ’ जस्ता टिभीमा धेरै शो गरिसकेकी छन्।

उनले सन् २०१४ मा तेलुगु फिल्म ‘डिक्कुलु चुडाकु रमैया’ बाट साउथ डेब्यू गरेकी थिइन्।