युरोपेली सङ्घ (ईयू) ले बहुराष्ट्रिय प्रविधि कम्पनी गुगललाई ८९ करोड युरो अर्थात् डेढ खर्ब रुपैयाँभन्दा धेरै जरिवाना गरेको छ ।
प्रतिस्पर्धीहरूका एप र सेवाहरूको तुलनामा आफ्नै एप र सेवाहरूलाई प्राथमिकता दिएर शक्तिको दुरुपयोग गरेको आरोपमा ईयूले जरिवाना तिराएको हो ।
विश्वका सबैभन्दा ठूला प्रविधि कम्पनीहरूको शक्तिलाई नियन्त्रण गर्ने उद्देश्यले ल्याइएको महत्त्वपूर्ण कानून ‘डिजिटल मार्केट्स एक्ट’ (डीएमए) अन्तर्गत गुगलविरुद्ध चालिएको यो पहिलो ठूलो कदम भएको बीबीसीले जनाएको छ ।
गुगलका अभ्यासहरूले उपभोक्ताको छनोटलाई सीमित पारेका र आफ्ना सेवाहरूलाई प्रतिस्पर्धीहरूका तुलनामा अनुचित लाभ दिलाएका ईयूको तर्क छ ।
तर कम्पनीले यो निर्णयको आलोचना गर्दै युरोपेली सङ्घका आवश्यकताहरूले लाखौँ युरोपेली ग्राहकहरूले प्रयोग गर्ने सेवाहरूमा क्षति पुर्याउन सक्ने दाबी गरेको छ ।
नियम पालना गर्नका लागि आफूहरूले युरोपेलीहरूले मन पराउने ‘रियल–टाइम’ खोज सुविधाहरू—जस्तै होटल, उडान र रेस्टुरेन्टहरूको तत्काल मूल्य तथा उपलब्धतासम्बन्धी जानकारी—हटाउनुपर्ने र ‘गुगल प्ले’ मा रहेका सुरक्षात्मक व्यवस्थाहरू हटाउनुपर्ने अवस्था आएको गुगलका विश्वव्यापी मामिला हेर्ने अध्यक्ष केन्ट वाकरले बताउनुभयो ।
युरोपेली सङ्घका अधिकारीहरूले यो तर्कलाई अस्वीकार गर्दै प्रभावशाली प्लेटफर्महरूले आफ्ना प्रतिस्पर्धीहरूलाई हानि पु¥याउनबाट रोक्न यी उपायहरू आवश्यक रहेको बताएको छ ।
युरोपेली नियामकहरूसँग विवादको लामो इतिहास बोकेको गुगलले यसअघि प्रतिस्पर्धासम्बन्धी विभिन्न मुद्दाहरूमा अर्बाैँ युरो जरिवाना तिरिसकेको छ ।
