समुदायस्तर मै तीब्ररुपमा कोरोना संक्रमण फैलिए पछि तौलिहवा बजार कोरोनाको केन्द्र बनेको छ । ब्यापारी, शिक्षक, स्वास्थ्यकर्मी बैकका कर्मचारी, सुरक्षाकर्मी, बिद्यतुका कर्मचारी लगायतका बिभिन्न पेशमा लागेका ब्यक्तिहरु संक्रमित भएपछि तौलिहाव बजार कोरोनाको हट स्पट बनेका हो । तौलिहवामा रहेको कपिलस्तु अस्तालका छ जना स्वास्थ्यकर्मी र एक सुरक्षाकर्मीलाइृ समेत कोरोना लागेपछि अस्पतालमा अत्यावश्यक सेवा बाहेक अरु सेवा बन्द गरिएको छ ।
यस्तै सदरमुकाम तौलिहावका ६ बैकिङ संस्थाका १३ कर्मचारीहरु समेत संत्रक्रमित भए पछि बैकहरु समेत बन्द छन । सदरमुकाममा कोराना फैील्ए पछि प्रशासनले साउन ३२ गते सम्मकालागि लकडाउन समेत गरेको छ । तौलिहवा उद्योग बाणिज्य संघका अध्यष गायदीन कुर्मी दिपुले तौलिहवा बजार कोरोनाको हट स्पट बनेकोले सजह रहन आग्रह गरेका छन । उनले परिक्षणको दायरा बढाउनु पर्ने, लकडाउनलाईृ कडा गर्नु पर्ने माग गरे । समयमै ध्यान नदिने हो भने तौलिहवा बजारका साथै जिल्ला भरी नै यसको संक्रमण तिव्र गतिमा फैलन सक्ने स्वास्थ्यकर्मीले चेतावनी दिएका छन ।
यस अघि पनि तौलिहवा बजारकै पान पसले, किराना पसले, जुत्ता चप्पल पसले, स्वास्थ्यकर्मी, शिक्षक, विद्यार्थी, बिद्यूत कर्मचारी वैंक कर्मचारी, सुरक्षाकर्मी, जन प्रतिनिधी लगायत ११ जनामा कोरोना देखिएको छ । फोकल पर्सन थापा अनुसार तौलिहवा बजारबाट लिईएको २ सय २६ नमुनाबाट कुल २२ जना संक्रमित भएका छन ।
कोरोना संक्रमणका कारण स्वास्थ्य अवस्था विग्रदै गए पछि तौलिहवाका ३ जना गम्भीर अवस्थामा उपचार गराई रहेका छन् । जस मध्ये १ जनाको काठमाण्डौं स्थित ग्राण्डी अस्पतालमा र बांकी २ जनाको बुटवलमा उपचार भई रहेको छ । उनीहरुको अवस्था गम्भीर रहेको स्वास्थ्य कार्यालयले जनाएको छ । कपिलवस्तुमा ८ सय ८० जनामा कोरोना संक्रमण पुष्टि भई सकेको छ ।
