कपिलवस्तु ९ बैशाख
अबैध रुपमा भित्राइएका गाई र गोरुको ट्रक सहीत ३ जना पक्राउ परेका छन । कपिलवस्तु नगरपालिका– ६ गोबरीमा ना ६ख. ५७१२ नंम्बरको ट्रकमा चेकजाच गर्ने क्रममा ३० वटा गाईगाइहरु अबैधरुपमा लोड गरी पुर्वी जिल्लामा लैजाने क्रममा प्रहरीले सो फेला पारेका हो । ट्रकलाई रोक्न खोज्दा भागेकोले पिछा गरी रोकेर चेकजाच गर्दा अबैधरुपमा राखिएको अवस्थामा गाईगोरुहरु फेला परेको प्रहरी नायब उपरिक्षक धर्मराज भन्डारीले बताए ।
भेटेनरी लगायतका कुनै पनि कागजात साथमा नबोकेको र उक्त गोरु भारतबाट अवैध रुपमा भन्सार छली चोरी पैठारी गरी ल्याएको थियो । घटनामा ट्रक चालक ट्रकका चालक जिल्ला मकवानपुर हेटौडा उप महानगरपालिका नं.१४ बस्ने बर्ष ३१ को लक्ष्मण दमाई २१ को सुदिप भट्टराई (सहचालक )ऐ.गढिमाई गा.पा.वडा नं.३ बस्ने बर्ष २० को बिशाल स्याङताङलाई समेत पक्राउ गरिएको भन्डारीले बताए ।
ट्रक र गाईगोरु गरी २१ लाख रकमको मुल्यांकन गरी तथा पक्राउ परेका चालक सह चालकलाई आवश्यक कारबाहीका लागि कृष्णनगर भन्सार चलान गरिएको भन्डारीले बताए ।
