सागर वि.क.(वैखरी अनलाईन) : बाणगंगा नगरपालिकाले आर्थिक बर्ष २०७९/८० को निति तथा कार्यक्रम सर्वसम्मतले पारित गरेको छ । आज भएको एघारौं नगरसभाबाट आगामी आर्थिक बर्षको निति तथा कार्यक्रम सर्वसम्मतले पारित गरेको हो । स्वास्थ्य, शिक्षा, कृषि, पूर्वाधार, पर्यटन तथा समग्र विकासलाई प्राथमिकता दिदै निति तथा कार्यक्रम सर्वसम्मतले पारित भएको बाणगंगा नगरपालिकाका प्रमुख प्रशासकिय अधिकृत टेकराज पन्थीले वैखरी अनलाईनलाई बताए ।
नगरपालिकाका प्रमुख प्रशासकिय अधिकृत टेकराज पन्थीले सबै क्षेत्रको सुझाव समिटिने गरि निति तथा ल्याईएका बताए । बाणगंगा नगरपालिकाको समग्र विकासलाई आवश्यक पर्ने पक्षको सुक्ष्म अध्ययन गरि निति तथा कार्यक्रम ल्याईएको बताए ।
उनले वैखरी अनलाईनसंग कुराकानी गर्दै भने, ‘यस क्षेत्रका सरोकारवाला सबैको सुझावलाई समेट्ने गरि निति तथा कार्यक्रम ल्याईएके छ । त्यमा मूलभूत रुपमा जनप्रतिनिधिहरुले चुनावी घोषणा पत्रमा उल्लेख गरेका विकासका आयोजना समेट्ने प्रयास पनि गरिएको छ ।’
