सन्धिखर्क : अर्घाखाँचीको भुमिकास्थान नगरपालिकामा अवैध काठ ल्याएको ट्याक्टरसहित प्रहरीले चालकलाई पक्राउ गरेको छ।
भुमिकास्थान नगरपालिका-६ खिल्जीको माछामारेमा ६६.४८ क्युफिट सालको काठसहित लु ३ त ३९६९ नम्बरको ट्याक्टर र चालकलाई पक्राउ गरिएको जिल्ला प्रहरी कार्यालय अर्घाखाँचीका प्रहरी नायव उपरीक्षक अमर बहादुर थापाले बताए।
प्रहरीमा आएको गोप्य सूचनाको आधारमा जिल्ला प्रहरी कार्यालय र प्रहरी चौकी खिल्जीबाट खटिएको प्रहरीको टोलीले चेकजाँच गर्दा अवैध काठ, ट्याकटर र ट्याक्टर चालक २७ वर्षीय बिनोद परियारलाई पक्राउ गरेको हो।
आवश्यक कारबाहीको लागि डिभिजन वन कार्यालय अर्घाखाँचीमा बुझाइएको जिल्ला प्रहरी कार्यालय अर्घाखाँचीका प्रमुख थापाले जानकारी दिए।
