राजस्व अनुसन्धान कार्यालय बुटवलले मूल्य अभिवृद्धि कर (भ्याट) छलेको अभियोगमा दुई ब्यापारीविरुद्ध मुद्दा दायर गरेको छ ।
बुटवल उपमहानगरपालिका ६ मैत्रीपथमा ‘रौनक सिरक डसना पसल’ सञ्चालन गर्दै आएका भारत मोतिहारीका फिरोज अहमद र वसिर मियाविरुद्ध उच्च अदालत तुलसीपुरको बुटवल इजलासमा मुद्दा दायर गरिएको हो ।
उनीहरुले आफ्नो सो पसलको सम्पूर्ण कारोबारअनुसारको विवरण पेश नगरेको र भ्याटमा दर्ता हुनुपर्नेमा नभई भ्याट र आयकर छली गरी राजश्व चुहावट गरेको विभागको भनाइ छ ।
उनीहरुबाट भन्सार चोरी पैठारीतर्फ, भ्याट र आयकरतर्फ गरी कुल ३४ लाख १३ हजार बिगो रकम कायम गरी त्यसको ब्याजसमेत असुल हुन राजस्व अनुसन्धान विभागले माग गरेको छ ।
