गृहपृष्ठ बिचार मोदी जी ! हामीलाई त्यो नाकाबन्दी अझै याद छ !

मोदी जी ! हामीलाई त्यो नाकाबन्दी अझै याद छ !

प्रकाशित मिति:

 

मोदी जी ! हामीलाई त्यो नाकाबन्दी अझै याद छ !

आदरणीय नरेन्द्र मोदी जी, नमस्कार !
तपाईँले केही वर्ष पहिले नेपाल भ्रमणको समयमा हाम्रो संसद् भवनमा बोल्दै भन्नू भएको थियो “नेपाल ऋषि मुनिहरूको देश हो , गौतम बुद्धको देश हो दुनियाँमा नेपाल मात्र एउटा यस्तो देश हो जहाँ पशुपतिनाथ बिराजमान छन् , यस्तो पवित्र देव भूमिको छिमेकी हुन पाउँदा भारतले आफूलाई गर्विलो महसुस गरेको छ ”

तपाईँलाई याद होला त्यति बेला तपाईँको ‘ऋषिमन’लाई हामी नेपालीहरूले खुब प्रशंसा गरेका थियौ , तपाईँले हाम्रो दिल जित्नु भयो ,रोटी र बेटीको सम्बन्ध अझ सुन्दर भयो । जब तपाईँ भ्रमणमा आउनु भएको थियो त्यो समय तपाईँ प्रति श्रद्धा भावले म नतमस्तक भएको थिए मिलेको भए म तपाईँलाई अँगालोमा बेर्ने थिए र चरणस्पर्श गर्ने थिए ! भारतको सबै भन्दा राम्रो प्रधानमन्त्री जो नेपालको हित चाहन्छ , नेपाललाई प्रेम गर्छ भन्ने सम्झिएर नेपाली जनताले तपाईँलाई हृदय देखि प्रेम र सम्मान गरे ।

तपाईँलाई थाहा नै छ नेपालले दशकौंदेखिको सशस्त्र युद्ध झेलेर, हजारौँ नेपालीहरू सहिद भएर आफ्नो संविधान लेख्ने अवसर प्राप्त गरेका थिए संविधान लेखिँदै थियो , शान्ति पुनर्स्थापना सङै सङ्घीय राज्यको अवधारणा र समृद्ध नेपालको सपना हामीहरूले बुन्दै थियौ , देश सानो जरुर थियो तर तपाईँहरूले जस्तो अग्रेजको गुलामी गर्न परेन , विकासमा थोरै पछाडि छौ तर सगरमाथा र बुद्धको चरणकमलमा छौ ! प्रकृति माताले संसार कै सुन्दर देश बनाएकी थिइन , राजनीतिक परिवर्तन सङै हाम्ले अपेक्षा गरेका थियौ की हामीहरू पनि दुनियाँमा केही बन्न सक्छौ , हामीहरू पनि केही गर्न सक्छौ ।

२०७२ वैशाख १२ गतेका दिन हाम्रो देशको लागि कालो दिन बन्यो । विनाशकारी महा-भूकम्पले नौ हजार भन्दा धेरै प्राण हामी बाट खोस्यो । तपाईँहरूले त्यो कठिन समयमा गर्नु भएको मानवीय सहायता प्रति सारा नेपाल कृतज्ञ थियो । ‘छिमेकी भनेको यस्तो हुनुपर्छ ‘ भन्न हामीलाई कुनै आपत्ति थिएन । मन दुखेको बेलामा आँखाबाट खुसीको हिमाल पग्लिएको थियो।

तर हाम्रो खुसी धेरै टिक्न पाएन भूकम्पले थिलो थिलो परेको हाम्रो भावनात्मक र भौतिक अवस्था माथि तपाईँले अकारण अघोषित नाकाबन्दीको बज्र प्रहार गर्नु भयो
जति बेला हाम्रा आँखामा भूकम्पको पीडा बगिरहेको थियो
जति बेला हाम्रो मन आफन्त गुमाएको पिडामा तड्पिदै थियो
जति बेला हामी दुखको सागरमा तैरिदै थियौ
नब्बे प्रतिशत भन्दा धेरैको बहुमतले बनेको संविधान तपाईँलाई स्वीकार्य भएन ६ महिना भन्दा धेरै
तपाईँले गरेको अघोषित नाकाबन्दीको पीडा यहाँ वर्णन गरेर सकिँदैन मोदी साहेब !

हेर्दा हेर्दै तपाईँको ‘ऋषिमन’ ‘राक्षस मन ‘ मा फेरियो , तपाईँले हाम्रो आशु देख्नु भएन , भूकम्पको पीडा बाट माथि उठ्दै गरेका हामी नेपालीहरूलाई तपाइले लाज नमानी पुनः पिडा दिनु भयो !

सुनेको छु तपाईँ पुनः नेपालको भ्रमणमा आउँदै हुनुहुन्छ , पद र प्रतिष्ठा जोगाउन सरकारले तपाईँलाई खुब तामझाम सँग स्वागत गर्ला तर यो पटक कुनै पनि देश भक्त नेपाली नागरिकले तपाईँलाई मन बाट अभिनन्दन गर्ने छैन , प्रेमले सम्मान गर्ने छैन तपाईँले रोटी र बेटीको सम्बन्ध बिर्सिँदै गरेको नाकाबन्दी हामीहरूले बिर्सिएका छैनौ आफ्नो स्वार्थका लागि सरकारले तपाईँलाई खुसी बनाउला तर मोदी जी तपाईँ सँग तपाईँकै आस्थाका देवता पशुपतिनाथ र मुक्तिनाथ पनि दुखी छन् भवगान बुद्ध पनि रिसाएका छन् !

नाकाबन्दीमा तपाईँ सँग टक्कर लिने ओली जी ले सरकारमा गएपछि तपाईँको त्यो अप्रिय हर्कत बिर्सनु भयो होला तर त्यति बेलाको मनोबैज्ञानिक पीडा कुनै पनि नेपालीले सजिलै बिर्सिने छैनन् यहाँ सम्म कि नाकाबन्दीको विपक्षमा भारतीय जनताहरू समेत उपस्थित भए ।

हामीलाई दु:ख लागेको छ : तपाईँले हाम्रो सुस्ता, लिम्पुवाधारा,कन्चनपुर, कालापानी मा हजारौँ हेक्टर जमिन कब्जा गर्नु भएको छ ।
हामीलाई आपत्ति छ तपाईँले हाम्रो हजारौँ हेक्टर जमिन सिमावर्ती क्षेत्रमा बाध निर्माण गरी डुबाउनु भएको छ ।
हामीलाई आपत्ति छ : हाम्रा तमाम नेताहरूको अकर्मण्यताको कारण तपाईँले उनीहरूलाई गुलाम बनाउनु भएको छ
हामीलाई आपत्ति छ : तपाईँले हाम्रो आन्तरिक मामिलामा हस्तक्षेप गर्नु भएको छ
छिमेकी बाट गरिने यस्तो व्यवहार कसरी ऋषि मन भयो ? तपाईँको यो कस्तो ‘ऋषि मन ‘ ?

अरे पत्थरको मन भएका मोदी जी ! हाम्रो पनि मन हुन्छ जुन तपाईँको कारणले टुटेको छ सिसा र मन एक पटक फुटे पछि जोड्न सकिँदैन एक पटक फुटे पछि फुट्यो फुट्यो ! जब सम्म तपाईँ सम्पूर्ण नेपालीहरू समक्ष आफ्नो गल्ती स्वीकार गर्नु हुँदैन तब सम्म तपाईँलाई हामीले कसरी श्रद्धा गर्न सक्छौ ?फेरि पनि हाम्रो दिल पत्थरको छैन बस् मोदी जी तपाईँले गर्नु भएको त्यो क्रूर ‘नाकाबन्दी’को प्रायश्चित गर्नुस् जानकी मन्दिर र मुक्तिनाथ मा गएर ‘नाकाबन्दी’को पाप पखाल्नुस् , कब्जा गरेको नेपाली भूमि फिर्ता गर्नुस् , दशगजामा एस •एस •बी ले गरिरहेका ज्यादतीहरु रोक्नुस् , एउटा सोतन्त्र देशको सार्वभौमिकताको सम्मान गर्नुस् ।

जाँदा जाँदै फेरि पनि याद गराउन चाहन्छु ” मोदी जी हामीहरूले त्यो नाकाबन्दी अझै बिर्सिएका छैनौ ” एक पटक गल्ती स्वीकार गर्नुस् गल्ती प्रायश्चित गर्नु नै महानता हो आगे तपाईँको मर्जी ।

सरगम भट्टराई

 

[प्रकाशित सामाग्री www.setopage.com मार्फत  हिन्दी सस्करण अनुवाद गरिएको हो ]

 

सम्बन्धित् समाचार