गृहपृष्ठ खबर कपिलवस्तु ट्राफिकद्धारा साढे ३१ हजार सवारी कारबाहीमा, झण्डै २ करोड राजश्व सङ्कलन।।

कपिलवस्तु ट्राफिकद्धारा साढे ३१ हजार सवारी कारबाहीमा, झण्डै २ करोड राजश्व सङ्कलन।।

प्रकाशित मिति:

कपिलवस्तुमा गत आवमा ३१ हजार ४ सय ९९ सवारी कारबाहीमा परेका छन् । ट्राफिक नियम उलंघन गरेका ती सवारी साधनलाई जिल्ला ट्राफिक प्रहरी कार्यालय कपिलवस्तुले कारवाही गरेको हो । जिल्ला ट्राफिकले आव २०७४।०७५ मा सवारी कारबाहीबाट १ करोड, ८४ लाख ५२ हजार ५सय रुपैयाँ राजश्व संकलन गरेको ट्राफिक प्रहरी निरीक्षक बाबुराजा पन्तले जानकारी दिए । आव २०७३।०७४ मा कूल २६ हजार ५सय १३ सवारी कारबाहीमा परेका थिए । त्यसको दाँजोमा गत आवमा ४ हजार ९सय ८६ बढी सवारी कारबाहीमा परेका छन् –जसबाट २८ लाख ७ हजार रुपैयाँ बढी राजश्व असुली भएको छ ।
सवारी कारबाहीमा सबैभन्दा बढी ट्रक परेका छन् । ट्रक मात्र २१ हजार १सय ४४ वटा कारबाहीमा परेका छन् । भने दोस्रोमा मोटरसाइकल ४ हजार ४सय ७४ वटा कारबाहीमा परे । यसैगरीे कारबाहीमा परेका बसको संख्या १ हजार २सय ७३, जीप÷कारको संख्या १ हजार ९सय १९ र ट्रेक्टरको संख्या २ हजार ६सय ८६ रहेको ट्राफिकले जनाएको छ । ट्राफिक नियम उलङ्घन गरेका, ओभरलोड र मापदण्ड विपरीत कार्य गरेका सवारीलाई कारवाही गरिएको प्रहरी निरीक्षक पन्तले बताए ।

यता मादक पदार्थ सेवन गरी सवारी चलाउने ३६ जना कारबाहीमा परेका छन् । जसबाट ट्राफिकले ३६ हजार राजश्व असुली भएको ट्राफिकले जानकारी दिएको छ । गतवर्ष भने ३१ जनालाई मापसे कारबाही हुँदा ट्राफिकले ३१ हजार रकम असुली गरेको थियो ।
गत आव २०७४।०७५ मा १ सय २३ सडक दुर्घटना भएको छ । जसमा ६५ जनाले ज्यान गुमाएका छन् । भने ११६ जना घाइते भएको जिल्ला ट्राफिक प्रहरी कार्यालय कपिलवस्तुका प्रहरी निरीक्षक पन्तले जानकारी दिए ।
एक वर्षमा १२३ सडक दुर्घटना हुँदा १८० वटा सवारीका क्षति भएको छ । सडक दुर्घटनामा सबैभन्दा बढी मोटरसाइकल परेका छन् । मोटरसाइकल दुर्घटना मात्र ७४ वटा रहेको ट्राफिक प्रहरीले जनाएको छ । यसैगरी सवारी दुर्घटनामा १८ वटा ट्रक, १४ वटा बस, २० वटा जीप÷कार, २२ वटा ट्रेक्टर परेका छन् । त्यसैगरी ट्याम्पो २, साइकल संख्या २५ र अन्य सवारी ५ वटा रहेको ट्राफिक प्रहरीले जनाएको छ ।

सम्बन्धित् समाचार