ऐतिहासिक तथा प्राचिन महत्व बोकेको कपिलवस्तुको बाणगंगा नदी र कोठीपुल क्षेत्र अन्र्तगत राजमार्गको पुल आसपासको क्षेत्र दुर्गन्धीत भएको छ । प्राचिन भागिरथी नदीको नामबाट समेत परिचित नदी आसपासका क्षेत्रमा बाणगँगा नगरपालीकाले जथाभावी फोहर फाल्दा दुर्गन्धीत बनेको छ । फोहोरब्यवस्थापनका हकमा जिल्लाकै सबैभन्दा कमजोर नगरपालिकाका रुपमा हाल आएर जिल्ला भरनै बाणगंगा नगरपालिका चिनिएको छ । फोहोर ब्यवस्थापनका हकमा बाणगंगा नगरपालिकाले स्थानिय निकायको निर्वाचनपछि पछिल्लो एक बर्षको अवधिमा फोहोर निषेधित क्षेत्रको बोर्ड लगाउनु बाहेक कुनै पनि काम नगर्दा यहाँका निर्वाचित मेयर, उपमेयर तथा वडा अध्यक्षको कार्यशैलीप्रति स्थानिय आजित भएका छन । फोहोर ब्यवस्थापनमा कमजोर मानिएको कृष्णनगर बजार क्षेत्र र तौलीहवा बजार क्षेत्र भन्दा पनि बाणगंगा पुल र कोठी खोला क्षेत्रमा फोहोरको मात्रा अध्याधिक बढेपछि वातावराणनै प्रदुषण भएको कपिलवस्तु उद्योग बाणिज्य सघंका अध्यक्ष उमानाथ पौडेलले बताए । उद्योग बाणिज्य सघंले सरसफाई अभियान चाल्दा नगरपालिकासगं सहयोग र सहकार्यको कुरा गर्दा हाम्रो यसका लागी छुट्टै समिति र रकम भएकाले नगरपालिका आफैले सरसफाइ गर्ने कुरा नगर प्रमुख मगंल प्रसाद थारुले गरेको र हालसम्म नगरपालिकाले सरसफाइ र फोहोर ब्यवस्थापनका लागी कुनै चासो नदेखाउदा दुख लागेको उनले बताए । गरपालिकाले यसको जिम्मा लिन नसके उद्योग बाणिज्य सघं आफैले नया योजनाका साथ नगरपालिकालाई पुर्णसरसफाई युतm बनाउन तयार समेत रहेको उनले बताए ।
बाणगँगा पुल नजिक यत्रतत्र फोहर फाल्दा बर्षाको पानीले बगाएर फोहरमैला लग्ने हुँदा नदी दुर्गन्धीत भएको शिवमन्दीर सामुदायिक बन उपभोतmा समुहका अध्यक्ष यमलाल गिरिले बताए । नगरपालिकाको असक्षमताका कारण फोहोर जति हावाले उडाएर बन भित्र लैजादा बन समेत फोहोर भएको उनको भनाई छ । जिल्लाका प्राचिन ऐतिहासिक स्थलको संरक्षण गर्नुपर्ने दायित्वसगै नगर सफा गर्ने नगरपालीकाको भएको बताउँदै नगरप्रमुख मँगल प्रसाद थारुले स्थायी रुपमा डम्पिङ साइडको खोजीमा लागी परेको बताउँदै उक्त स्थानबाट फोहर तत्काल हटाउने बताए । उनले गतबर्ष फोहोर ब्यवस्थापनका हकमा यही बाक्य प्रयोग गरेको भएता पनि कुनै काम गर्न नसकेको जितपुरका स्थानिय बासिको आरोप रहेको छ । लामो समयसम्म फोहर नहटाउँदा राजमार्गमा आवतजावत गर्ने सयौ यात्रुले समेत दुर्गन्धको पिडा भोग्दै आएका छन् । कपिलवस्तु जिल्लाको बाणगंगा नगरपालिकाले नगरको फोहोर ब्यवस्थित गर्न चासो नदेखाउदा नगरबासीले हैरानी खेप्नु परेको छ । जिल्लाकै स्वच्छ नगरपालिका भनी नगरपालिकाका प्रमुख देखि कर्मचारीले भन्दै आएतापनि एउटा फोहोर फाल्ने डम्पीङ साइड(फोहोर फाल्ने क्षेत्र) बनाउने तर्फ नगरपालिकाले चासो नदेखाउदा नगरपलिका दिनप्रतिदिन दुर्घधित बन्दै गएको हो । नगरपालिकाको पहलमा नगरपालिका भित्र कुनै पनि फोहोर ब्यवस्थापनका लागी डम्पीङ साइड निमार्ण गर्न नसक्नु सम्पुर्ण नगरबासीका लागी लज्जाको बिषय भएको बाणगंगा नगरपालिका पिपराका मुराउ थारुले बताए । जिल्लाकै सबैभन्दा स्वच्छ र शिक्षित नागरिकहरुको बसोबास भएको क्षेत्र भनी सुनीने कुरा अहिले आएर हासो उठ्ने बिषय बनेको उनले बताए । सडक छेउमा फोहोर फाल्ने भएकाले हावाहुरी चल्दा गन्धले त्यस क्षेत्रमा हिडनै नसकिने अवस्था रहेको बाणगंगा बोडगाउ झलक थापाले बताए । “ठुलो हावाहुरी चल्नुपर्छ फोहोरको गन्धले हिडनै सकिदैन ” उनले बताए । यसमा नगरपालिकाले चासो नदेखाएकै कारण फोहोर बाणगंगा पुल आसपास देखि सडकमै फोहोरका बोरा र डब्वा फेला पर्ने उनले बताए ।
