स्वतन्त्र विद्यार्थि युनियन वाणगंगा बहुमुखि क्याम्पसको आयोजनामा बधाई तथा सम्मान कार्यक्रम सम्पन्न भएको छ । कक्षा १२ मा सफलहुने ६५ जना विद्यार्थिहरुलाई सम्मान गरिएको स्ववियुले जनाएको छ । कार्यक्रममा बोल्दै वाणगंगा नगरपालिका वडा नम्वर ८ का वडा अध्यक्ष गुणानिधि भुषालले समय परिवर्तन सगै शिक्षामा परिवर्त हुनु पर्ने बताएका छन् । अध्यक्ष भुषालले अबको पिढीलाइ समय सापेक्ष शिक्षा आवश्यक रहेको बताए । उनले जिल्लामा धेरै वर्ष देखि शौक्षिक गुणस्तरमा राम्रो फड्को हासिल गरेको भन्दै बाणगंगा बहुमुखि क्यापस लौगाईका उतिर्ण विद्यार्थीलाई बधाई तथा शुभकामना दिएका थिए । राम्रो गुणस्तर ल्याउने विद्यालयलाई वडाले सहयोग गर्ने प्रतिबद्धता समेत ब्यक्त गरे ।
क्याम्पसका सञ्चालक समितिका अध्यक्ष हिमलाल पौडेलले पटक पटक राम्रो नतिजाल् याएकोमा शिक्षक, विद्यार्थी, अभिभावक र व्यवस्थापन समितिका पधाधीकारीहरुलाई धन्यवाद ज्ञापन गरे । क्याम्पस क्याम्पस प्रमुख डिवी रेश्मी, बाणगंगा माविका प्रध्यानध्यापक कुल राज पौडेल लगायतले राम्रो नतिजा ल्याएर विद्यार्थीलाई आगामी दिनको उच्च शिक्षाको लागि शुभकामना दिएका थिए । त्यस्तै स्ववियु सभापति माधव पौडेलले विद्यार्थिहरुलाई सफलताको शुभकामना ब्यक्त गर्दै विद्यार्थिहरुका समस्याहरु स्ववियुले समाधान गर्ने बताए ।
क्याम्पस प्रथम हुने छात्रा मनिषा क्षेत्रीलाई नगत सहित सम्मान गरिनुका साथै सम्पुर्ण विद्यार्थीलाई मायाको चिनो दिईएको थियो । कक्षा १२ उतिर्ण भएका छात्र शङ्कर भुषालले सफलतामा आफनो भन्दा धेरै शिक्षकको हात भएको बताए । स्वतन्त्र विद्यार्थी युनियनका सभापति माधव पौडेललेको अध्यक्षता, स्ववियु सदस्य शान्ता भुषालको स्वागत मन्तव्य रहेको कार्यक्रम भगवती न्यौपानेको सञ्चालनमा सम्पन्न भएको थियो ।
