वाणगंगा नगरपालिकाद्धारा गरिवि परिचय पत्र वितरण कार्य सम्पन्न ।।

कपिलबस्तुको वाणगंगा नगरपालिकाद्धारा वडाबाट गरिवि परिचय पत्र कार्य सम्पन्न गरिएको छ । साउन १४ बाट सुरु भएको सुरु भएको वितरण कार्य आज वडा नं. ११ मा वितरण गरि वडाबाट गरिएको वितरण कार्य सम्पन्न भएको हो । आज वडा नं. ११ का १ सय ६३ मध्ये १ सय ११ घरपरिवारलाई वितरण गरिएको छ । वडा नं. ११ मा ४८ अति, ३० मध्यम र ३३ सामान्य ३३ घरपरिवारलाई वितरण गरिएको हो । वाणगंगा नगरपालिका भित्रको कुल जनसंख्या मध्ये १ हजार १ सय ८६ परिवार गरिबिको सूचिमा सुचिकृत रहेका छन् । कपिलवस्तु जिल्लाको वाणगंगा नगरपालिका भित्रका ११ वटा वडामा सञ्चालित परिचय पत्र वितरण अभियानमा वडा नम्बर १ देखि ११ सम्मका प्राय सबै वडामा वास्तविक गरिब परिवारहरु परिचय पत्र पाउनबाट बञ्चित भएका हुन । सम्पन्न र जमिनदार नागरिकहरुले परिचयपत्र पाउदा नगरभित्रका वास्तविक गरिब परिवारहरु आफुहरुलाई नगरपालिका र राज्यले वेवास्ता गरेको बताउन थालेका छन् । उता वाणगंगा नगरपालिकाले पनि नगरभित्रका वस्तविक परिवारहरु परिचय पत्र पाउनबाट अधिकाशं परिवार बञ्चित रहेको स्विकार गरेको छ । वडाबाट छुटेका घरपरिवारलाई नगरपालिकाबाट वितरण गरिने नगर प्रवक्ता विष्णु पौडेलले  जानकारि दिनुभएको छ ।