कृष्णनगर नगरपालिका कृष्णनगर शिवराज नगरपालिका चन्द्रौटा र शुद्धोधन गाउँपालिका लवनिका महिला र वालवालिकाको क्षेत्रमा काम गर्ने जिम्मेवार कर्मचारि तथा सामाजिक विकास अन्र्तगतका कार्यदल र सेवा प्रदायक संस्थाबिच एक दिने अभिमुखिकरण कार्यक्रम सम्पन्न भएको छ । कार्यक्रममा वाल संरक्षण र लैगिंक हिंसा सम्बन्धि ३० जना सहभागिहरुको लागि अभिमुखिकरण गरिएको हो । वाल संरक्षण सुनिश्चित गर्न र पद्धति सुदृढिकरण गर्नका लागि महिला तथा वालवालिकाको क्षेत्रमा काम गर्ने कर्मचारिहरुको वाल संरक्षण क्षेत्रमा क्षमता अभिवृद्धि गर्न उक्त कार्यक्रमको आयोजना गरिएको हो ।
नगरपालिका र गाउँपालिकाले वाल संरक्षण निति र कार्ययोजना बनाएर ब्यबस्थित रुपमा संरक्षण कार्यलाई सुनिश्चित गर्न सकोस भन्ने उद्देश्य रहेको छ । कार्यक्रममा युनिसेफका प्रदेश ५ का वाल अधिकृत र श्याम राज घिमिरे र प्रदेश ४ का वाल अधिकृत राजु खनालले वालवालिकामा लगानि किन गर्ने र कार्यक्रमको भावि योजनाका बारेमा सहजिकरण गरेका थिए ।
त्यस्तै प्रशिक्षक पोमनारायण पौडेल र अधिवक्ता ओम प्रकाश अर्यालले जिल्लामा वालवालिकाका सवालका समाधानमा सरोकारवालको भुमिका र महिला तथा वालवालिकामा हुने हिंसा सम्बन्धि हुने कानुनि उपचारका साथै न्यायिक समितिको काम कर्तब्य र अधिकारका बारेमा सहजिकरण गरेका संस्थाका टिम लिडर दिनेश पौडेलले जानकारि दिए ।
सो स्थानिय तहमा वाल संरक्षण तथा लैगिंक हिंसा सम्बनिध अभिमुखिकरणमा ज्ञानु पौडेलको अध्यक्षता तथा नमुना एकिकृत विकास परिषद का कार्यक्रम संयोजक अमृता अधिकारिको सञ्चालनमा कार्यक्रम सम्पन्न भएको थियो । नमुना एकिकृत विकास परिषदको आयोजना र युनिसेफ फिल्ड अफिस रुपन्देहिको सहयोगमा अभिमुखिकरण कार्यक्रम जिल्लाको तौलिहवामा सम्पन्न भएको हो ।
