मायादेवि रंगशालामा जारि सनराईज सामाजिक विकास मञ्चद्धारा आयोजित प्रदेश स्तरिय खुल्ला नकआउट क्रिकेट प्रतियोगिता जारि रहेको छ । आज भएको पहिलो खेलमा राजपुर युवा क्लवले नव प्रभात युवा क्लवलाई ५८ रनले पराजित गरेको थियो । राजपुरले नव प्रभातका सामु ७ विकेटको नोक्सानीमा १५० रनको लक्ष्य प्रस्तुत गरेकोमा टस जितेर पहिले बलिङ रोजेको नव प्रभात ४९ रनमै अलआउट हुँदै हार ब्यहारेको हो । पहिलो खेलबाट राजपुर युवा क्लवका खेलाडि प्रभात केसिले नवप्रभात क्लव विरुद्ध ५ विकेट ल्याई म्यान अफ द म्याच घोषित भए ।
त्यस्तै दोस्रो खेलमा बुद्ध भुमि युवा क्लव विजयी भएको छ । उसले जिनुवा स्पोर्ट क्लव जिनुवालाई ५ विकेटले पराजित गरेको थियो । टस जितेर पहिले ब्याटिङ गरेको जिनुवा स्पोर्टले बुद्धभुमिलाई ६९ रनको लक्ष्य दिएको थियो । उक्त लक्ष्य बुद्धभुमिले १० दशमलव १ ओभरमै ७३ रन पुरा गरेको थियो । दोस्रो खेलबाट वुद्धभुमि युवा क्लवका खेलाडि शंकर महरा ३ विकेट तथा ७ रनका साथ नटआउट भई म्यान अफ द म्याच घोषित भएको मिडिया संयोजक हरि घिमिरेले जानकारि दिए ।
खेलमा प्रथम हुनेले रु १ लाख १ हजार शिल्ड तथा प्रमाणपत्र, द्धितीय हुनेले रु ५१ हजार शिल्ड तथा प्रमाणपत्र, तृतीय हुनेले रु १५ हजार शिल्ड तथा प्रमाणपत्र र सान्त्वना हुनेले रु ५ हजार शिल्ड तथा प्रमाण पत्र पुरस्कार प्राप्त गर्ने छन् । प्रतियोगिताको प्रथम पुरस्कार सौजन्य सिद्धार्थ गौतमबुद्ध ओभरसिजका संचालक तथा समाजसेवी कृष्ण कुँवरले गरेका छन् ।
भोलि पनि दुईओटा खेल हुनेछन् । पहिलो खेल विहान ८ः३० बजे आयोजक टिम ए र झन्डा क्रिकेट क्लवबिच हुनेछ त्यस्तै दोस्रो खेल शान्ति युथ क्लव लुम्विनी र एभरेष्ट क्रिकेट क्लव बुटवल विच हुने खेल संयोजक माधव पौडेलले जानकारि दिए ।
