दिपक के.सी.
कार्तिक १२ कपिलवस्तु
कपिलवस्तुको शिवराज नगरपालिका वडा नं. १ बनकट्टा मा आफ्नै श्रीमानले बन्चरोले हान्दा सोमबार राती एक महिलाईको मृत्यु भएको छ । घरमा सुतिरहेको अवस्थामा आफ्नै श्रीमान ४० बर्षे बसन्त परियारले श्रीमती बर्ष ३५ की सुमित्रा परियारलाई बन्चरो प्रहार गरी हत्या गरेका हुन ।
राति करीब ११ बजेको समयमा घरभित्र भुईंमा विस्तरा लगाएका छोराछोरी सहित सबै सुतिरहेको बेला बसन्तले राति उठेर श्रीमतीको टाउकोमा बन्चरो प्रहार गरेका थिए । बन्चरो प्रहारबाट सुमित्रा परियारको घटनास्थलमै मृत्यु भएको पारिवारिक स्रोतले जानकारी दिएका छन् ।
श्रीमतीको हत्या गरेर फरार भएका र बसन्त परियार लुक्दै भाग्दै गरको अबस्थामा विजयनगर गाउपालिका १ मदवानगर हुदै भारत प्रवेश गर्न लाग्दा मंगलबार दिउसो पक्राउ परेका छन । पयिारलाई भारत जान लाग्दै गरेको अवस्थामा पक्रिएको इलाका प्रहरी कार्यालय गणेशपुरका कार्यालयका प्रमुख नविन पौडेलले बताए । परियारलाईे वडा प्रहरी कार्यालय चन्द्रौटाको जिम्मा लगाइएको छ । परियारलाई म्याद थप गर्न जिल्ला पठाईएको वडा प्रहरी कार्यालय चन्द्रौटाका प्रहरी निरिक्षक महेश्वर उपाध्ययले बताए ।
बन्चरो प्रहारपछि बसन्त राति नै फरार भएका थिए । रगतले कपडा भिजेपछि बल्ल आफूहरुले थाहा पाएको छोरी बुनुले बताइन् । रुन कराउन थालेपछि अंकल अन्टी आएर गाउघरमा हल्ला गरेको छोरा सुजनको भनाई छ ।
स्थानीयले खबर गरेपछि वडा प्रहरी कार्यालय चन्द्रौटाको टोली राति नै घटनास्थल पुगेको थियो । मृतक सुमित्राको शव राति नै प्रहरीले पोष्टमार्टमका लागि बहादुरगञ्ज अस्पताल पठाएको बताएको छ ।
