गृहपृष्ठ Featured सरकारको आलोचना गर्न आवश्यक छैन – मन्त्री खनाल

सरकारको आलोचना गर्न आवश्यक छैन – मन्त्री खनाल

प्रकाशित मिति:

वैखरी कपिलवस्तु,

वर्तमान सरकारले दिगो योजना र कार्यक्रमहरू सञ्चालन गरिरहेको हुनाले बजारमा हुने गरेका सरकार विरोधी टीका टिप्पणीहरू अनावश्यक रहेको कृषि तथा पशुपन्क्षी विकास मन्त्री चक्रपाणी खनाल ‘बलदेव’ ले बताउनु भएको छ ।१० औँ कपिलवस्तु महोत्सव कृषि पर्यटन एवम् औद्योगिक प्रदर्शनी २०७५ को समापन सत्रमा बोल्दै मन्त्री खनालले उक्त कुरा बताउनु भएको हो ।

सरकारले जनता सँग प्रत्यक्ष जोडिएका राष्ट्रको समग्र विकासका निमित्त समृद्धि र विकासको योजना सफल पार्न विशेष योजनाहरू तयार गरेको र उक्त योजनाहरू पाँच वर्ष भित्र सफल बनाएर सुखी र समृद्ध नेपाल बनाउने तयारीमा सरकार जुटेको बताउनु भयो ।पाँच वर्ष भित्र देशमा ऊर्जा र कृषि क्षेत्रमा असीमित विकास हुने तथा देशमा लाखौँ पर्यटक भित्रिने गरी सरकारले खास योजनाहरू तयार गरेको मन्त्री खनालले बताउनु भयो ।

देशको समग्र विकास ,पलायन हुँदै गरेको देशको श्रमशक्तिलाई रोक्ने गरी एकीकृत योजनाहरूको तयारीमा समेत सरकार जुटिरहेको प्रस्ट पार्नु भयो ।जिल्लाका पुराना नगरपालिकाहरू भन्दा बाणगंगा नगरपालिकाले विकासमा फड्को मार्दै गएको भन्दै मन्त्री खनालले कपिलवस्तु जिल्लाको समग्र विकासको नेतृत्व लिने गरी बाणगंगा नगरपालिकाले विशेष योजनाहरू तयार पार्नु पर्ने कुरामा जोड दिनु भयो नगरपालिकाले समग्र विकासको क्षेत्रमा योजनाहरू बनाएर अन्य नगरहरूले समेत अनुकरण गर्ने गरी योजनाहरू तयार गर्नु पर्ने समेत बताउनु भयो ।

सम्बन्धित् समाचार